El Templu d'Artemisa, tamién conocíu como'l Templu de Diana, yera una construcción dedicada a Artemisa al rodiu del 550 e.C. n'Éfesu baxo la dinastía Aqueménida del Imperiu Persa. Nun queda un res del templu, una de les Siete Maraviyes del Mundu Vieyu. Foi construíu pol rei Cresu por pidimientu popular nel mesmu llugar onde fuera destruyíu nel sieglu VII e.C.. La mayor parte de la descripción del Templu d'Artemisa provién de Plinio'l Vieyu. Plinio describe un templu de 377 pies de llargo y 180 pies d'anchu, fechu dafechu de mármole. Tenía 127 columnes d'estilu xónicu antiguu de 60 pies d'altura, a la manera dórica.