Niš ye la ciudá más grande del sur de Serbia, y la tercera del país por númberu d'habitantes dempués de Belgráu y Novi Sad. Según el censu de 2011 viven nella 183.164 persones, demientres que la so área metropolitana, formada pol so nucleu urbanu, la ciudá de Niška Banja y 68 barrios que s'esparden per un territoriu de 597 km², tien una población de 260.237 habitantes. Niš ye'l centru alministrativu del distritu de Nišava.