Málaga ye una ciudá española, capital de la provincia homónima, allugada na comunidá autónoma d'Andalucía al sur d'España. Colos sos 560.631 habitantes en 2006 la ciudad de Málaga ye la sesta por población de toa España y la segunda d'Andalucía tres Sevilla. Ta situada nel estremu oeste del mar Mediterraneu, a poco más de 100 km del Estrechu de Xibraltar. Demográficamente ye la estaya urbana más densamente poblao del conxuntu de llocalidaes que s'alluguen a lo llargo de 180 km de la costa mediterránea, conocida como la Costa del Sol. Málaga ye candidata a «Capital Europea de la Cultura» en 2016. La ciudá de Málaga alcuéntrase arrodiada de sistemes montañosos. Dos ríos, el Guadalmedina y el Guadalhorce, pasen pela ciudá desembocando nel Mediterraneu.