El monte Denali, enantes denomináu monte McKinley, ye'l monte más altu d'América del Norte, con una altitú de 6190 msnm. Ta asitiáu na cordal d'Alaska, nel centru-sur del estáu d'Alaska. A pesar de nun ser unu de los más altos del mundu, el desnivel qu'hai que superar, xunto a les baxes temperatures, dada la so cercanía al círculu polar árticu, faen del Denali unu de los picos más complicaos de xubir. El nome Denali significa «el Grande» nes llingües atabascanes.