Manjabálago y Ortigosa de Rioalmar, enantes denomináu Manjabálago, ye un conceyu d'España, na provincia d'Ávila, comunidá autónoma de Castiella y Llión. Ta formáu por dos nucleos de población: Manjabálago y Ortigosa de Rioalmar. En 2017 cuntaba con una población de 28 habitantes. En Ortigosa vivió un tíu de Santa Teresa de Jesús llamáu Pedro de Cepeda, que se retiraría nos jerónimos de Guisando. Cuanda Santa Teresa diba dir a Becedas a una mestrona pa curase d'una enfermedá, nel so camín d'Ávila a Becedas paró en Ortigosa na so primer etapa y el so tíu regálo-y El Tercer Abecedariu del franciscanu Francisco de Osuna. De camín a Becedas infórmenlos de que la mestrona nun trabaya pel hibiernu, pos trata a los enfermos con plantes que nun salen hasta primavera. Deciden pos esperar el momentu fayadizu en Zapardiel de la Cañada Castellanos de la Cañada, en casa de la hermana mayor de Teresa, María de Cepeda.