Manama ye la capital y mayor ciudá de Baḥréin. Asitiada nel noreste de la islla de Baḥréin, tien una población estimada (2010) de 157.474 habitantes. Ye ún de los centros comerciales más importantes del golfu Pérsicu dende cuantayá: esto y la so historia faen que nella vivan xentes d'orixe mui variáu. Tres de periodos de dominación portuguesa ya persa y de ser invadíu poles dinastíes de Saud y Al Said, Baḥréin establecióse, demientres el periodu de dominiu británicu nel sieglu XIX, como un estáu soberanu independiente.