Kansas City ye la ciudá más grande del estáu d'Estaos Xuníos de Missouri. La so población, de 481.420 habitantes en 2016, conviértela na trentena séptima mayor del país. Ye la ciudá central del área metropolitana de Kansas City, que s'estiende per dambos llaos de la frontera ente los estaos de Kansas y Missouri. La ciudá foi fundada na década de 1830 como un puertu na confluyencia del ríu Missouri y el ríu Kansas. Algamó l'estatus de ciudá, col nome de Kansas, el 1 de xunu de 1850. Tres de la fundación del territoriu de Kansas, y pa evitar confusión ente los nomes de les dos entidaes, dióse-y a la ciudá'l so nome actual pa estremalu del del territoriu.