El escobiu de La Hermida ye un conxuntu d'angostes gargüelos del macizu de Ándara que conflúin na principal, formada pol calce del ríu Deva, qu'escurre ente grandes parés cuasi verticales de roca caliar, dalgunes de más de 600 metros d'altor. Los sos 21 quilómetros de llargor faen d'esti escobiu el más llargu d'España. Una área de 6.350 hectárees tán catalogaes como zona d'especial proteición pa les aves (ZEPA). Mientres el sieglu XIX l'escobiu foi allegáu por viaxeros, esploradores, montañeros, escaladores y cazadores británicos que lo tomaben pa llegar a Picos d'Europa. Por esti motivu l'escobiu apaez descritu ya inclusive dibuxáu en grabáu en munchos llibros de la dómina, como por casu en Highlands of Cantabria.