Cabuérniga ye un conceyu de la comunidá autónoma de Cantabria (España). Ye unu de los trés conceyos que formen el Valle de Cabuérniga, asitiáu na zona occidental de la comunidá, dientro de la Contorna de Saja-Nansa. Llenda al norte colos conceyos de Ruente y Valdáliga, al sur con Los Tojos y la Mancomunidá Campoo-Cabuérniga, al oeste con Rionansa y Tudanca y al este nuevamente con Ruente y Los Tojos. La so cota máxima asitiada nel Altu de Cahorra ye de 1187,2 metros d'altitú y la so cota mínima daqué inferior a los 221,3 metros.