Blizzard Entertainment, Inc. ye una empresa desarrolladora y distribuidora de videoxuegos d'Estaos Xuníos con sede n'Irvine, California y fundada el 1 de xunu de 1994. Conocida y fundada orixinalmente como Silicon & Synapse en 1991, la empresa empezó realizando portabilidades de xuegos pa otros estudios antes de desenvolver los sos propios videoxuegos en 1993, ente los que destacaron Rock N' Roll Racing y The Lost Vikings. En 1994 la compañía se renombró Blizzard Entertainment, Inc., el so nome actual, y pocu dempués llanzó'l so primer gran ésitu comercial, Warcraft: Orcs & Humans. De magar, Blizzard llogró collechar un gran ésitu coles sagues Warcraft, Diablu y StarCraft, según el MMORPG World of Warcraft, convirtiéndose nun referente de los xéneros d'estratexa en tiempu real y MMORPG.