Bergancia ye una ciudá y la capital del distritu homónimu, na comunidá intermunicipal de Tierres de Trás-os-Montes, dientro de la Región Norte de Portugal. El perímetru del nucleu urbanu, con una superficie de 20 309 km², alluga 25 000 habitantes. Ye cabeza d'unu de los conceyos portugueses de mayor estensión, con 1173,6 km² de superficie y 35 341 habitantes (2011) y 34 freguesías. El conceyu ta llindáu al norte y al este per España (Zamora), al sureste pol conceyu de Vimioso, al suroeste por Macedo de Cavaleiros y al oeste por Vinhais. Ye una de les ciudaes más septentrionales del Portugal continental. Los celtes dieron el nome Brigantia a la ciudá, fundada nel sieglu II e.C. Darréu se latinizó pasando a denominase Bragança. El nome celta ye l'orixe del xentiliciu más xeneralizáu: brigantino/a.