Remove ads
El Zen ye una forma del Budismu Mahayana centrada na meditación o “illuminación interior” y que tien como carauterística más visible la práutica de la postura llamada zazen, por siguir una tradición que bilta na postura de meditación de Siddharta Gautama cuando algamó la illuminación baxo la ”figal Bodhi”, hai más de 2500 años na India.
La pallabra zen ye la pronunciación xaponesa del caráuter 禅, pronunciáu chán en chinu mandarín. La pallabra vien del sánscritu dhyāna (“concentración perfeuta”, “meditación”).
El zen en sentíu ampliu inclúi toles escueles derivaes del Chan chinu. Nesti sentíu ampliu’l zen prautícase sobre too en China, Xapón, Corea y Vietnam. Quiciabes seya tamién la forma de budismu más conocida y prauticada n’Occidente, anque más na so forma xaponesa, per aciu sobre too del llabor intelectual y divulgador de Daisetz Teitaro Suzuki y del más práuticu del maestru Taisen Deshimaru.
Remove ads
La lleenda del orixe de la tradición zen y de la llinia de los sos maestros naz d'un sermón del Buda Shakyamuni a los sos discípulos cuando taben axuntaos un día pa falar del Dharma, según se cunta nel Sutra Lankavatara.
Tentando d'esplicar un puntu de les sos enseñances, bastó-y al Buda coyer silenciosamente una flor de figal. Dellos discípulos quixeron interpretar esto, pero nengunu pescanció’l mensaxe que’l Maestru tentaba d'apurri-yos, sacanteMahakashyapa, que sonrisó pal Buda. Entós el Buda sopelexó delantre la xunta qu'acababa de tresmitir d'esta miente’l so tesoru espiritual más preciosu. Esti, que llamen “el Sermón de la Flor”, yera una anticipación de la descripción del chan atribuyida a Bodhidharma: “ensin escritures, un deprendimientu diferente (de tolos demás) que toca direutamente l'espíritu pa revelar la verdadera naturaleza del buda”.
Según la tradición foi’l monxu indiu Bodhidharma’l qu'introduxo’l Zen en China a principios del sieglu VI. Bodhidharma yera’l ventésimu octavu socesor nuna llinia de tresmisión de la enseñanza Zen qu'empecipia con Kasyapa, discípulu direutu de Buda. Bodhidharma llegó al sur de China nel 520 d.C., y dempués d'unos años tratando en devanéu d'introducir el Zen en dellos reinos, enveredó pal templu Shaolin, onde consiguió introducir a los monxos na nueva vía.
Remove ads
Basándose nos sutres budistes del Mahayana, el Zen afirma la superioridá del cultivu de la meditación como la vía preferente p'algamar el nirvana. El primer budismu centrábase nuna progresión per distintes etapes de meditación o “jhanas” que van asocediéndose nun cultivu gradual del prauticante. Pela so parte’l Zen afirma la esistencia d'un accesu direutu y espontaneu al últimu y cimeru de tolos “jhanas” (el que precede inmediatamente a la esperiencia del nirvana) ensin necesidá de pasar pelos anteriores, per aciu de víes d'accesu espontánees y que son ayenes a la racionalización de lo deprendío o a una idea de perfeicionamientu gradual. El Zen ye la tradición budista por escelencia de la intuición y la espontaneidá.
Remove ads
Zazen
El zazen ye una de les práutiques zen más conocíes n’Occidente tres ser divulgada nos años 1970 pol maestru Taisen Deshimaru, de la escuela Soto. Consiste na clásica postura del Buda sentáu na posición del llotu. Esta posición alcuéntrase muncho n’estatues de Buda per tou Oriente: un home tranquilu colos güeyos entornaos, el llombu arrechu, les piernes cruciaes en posición de "llotu". Nel zazen esto suel facese sobre un pequeñu coxín redondu llamáu zafu en xaponés, qu'ayuda a bascular l'espinazu y a cincar les rodíes en suelu.
La meditación nesta postura consiste nuna atención constante pero sele per parte del prauticante. Nun hai que pensar nin dexar de pensar. Hai que lliberar el pensamientu, ye dicir dexar cenciellamente pasar los pensamientos qu'alleguen. Nun apegase a ellos nin refugalos, como si los pensamientos fueren nubes que traviesen el cielu ensin dexar buelga. Esta contemplación tranquila y sollerte llevará al siguidor a descubrir la so naturaleza búdica.
Koan
Los koans son sobre too una práutica de la escuela xaponesa Rinzai. N’orixe yeren espiriques y asocedíos ente maestru y discípulu, que se rexistraben per escrito. En Xapón foron atropaos y ampliaos pola escuela Rinzai, qu'había usalos como téunica de meditación y non solo de reflexón y enseñanza. Un koan pue ser una entruga aparentemente ensin xacíu. Por exemplu: "¿cuál ye’l soníu d'una sola mano qu'aplaude?" o "¿cuál yera’l to rostru orixinal enantes de tú nacer?". El prauticante tien que pescudar esti tipu d'entruga con una concentración total hasta que’l so razonamientu conceutual quede desaniciáu, y asina pueda surdir "prajna", la sabiduría intuitiva. Esto ocasionará una illuminación o espertar (en xaponés “satori”) a la so naturaleza búdica.
Remove ads
El Zen ye más en concreto una de les formes xaponeses de budismu, si non la más popular naquel país sí la más venceyada a les distintes formes culturales de la tradición xaponesa. Les principales escueles del budismu xaponés Zen son la Rinzai y la Soto, y, en menor midida, la Obaku. Estrémense sobre too pola so especialización nes distintes téuniques de meditación, como’l koan (Rinzai, Obaku) y el zazen (Soto).
- Bovay, Michel; Kaltenbach, Laurent y Smedt, Evelyn de. Zen. Práutica y enseñanza; historia y tradición; civilización y perspectivas. Editorial Kairós: Barcelona, 1999 [2005 3ª edición]. ISBN 978-84-7245-391-3
- Brosse, Jacques. Los maestros Zen. Editor José J. de Olañeta: Palma de Mallorca, 1999. ISBN 84-7651-776-9
- Castro Sánchez, Aigo. Las enseñanzas de Dôgen. Editorial Kairos: Barcelona, 2002. ISBN 84-7245-515-7
- Comunidad Budista Soto Zen. Budismo. Historia y doctrina. Madrid: Miraguano.
- Volumen I: Los Orígenes del Budismo, 2006. ISBN 978-84-7813-296-6
- Volumen II: El gran vehículo Mahâyâna, 2007. ISBN 978-84-7813-309-3
- Volumen III: El Zen, 2009. ISBN 978-84-7813-342-0
- Deshimaru, Taisen. Za-Zen: la práutica del Zen. Edicions Cedel: Barcelona, 1976. ISBN 84-352-0437-5
- Huineng: Sūtra del estrado (Tanjing), edición billingüe (chinu-cast.) col testu de Dunhuang (s. VIII), tornáu del chinu por Laureano Ramírez Bellerín. Editorial Kairós: Barcelona, 2000. ISBN 84-7245-460-6
- Izutsu, Toshihiko. Hacia una filosofía del budismo zen. Madrid: Editorial Trotta, 2009. ISBN 978-84-8164-977-2
- Jung, Carl Gustav. Obra completa: Volumen 11. Acerca de la psicología de la religión occidental y de la religión oriental. XIII. Prologo al libro de D. T. Suzuki La Gran Liberación. Introducción al budismo zen (1939/1958). Trotta: Madrid, 2008. ISBN 978-84-8164-902-4/ ISBN 978-84-8164-907-9
- Manrique, María Eugenia. Pintura Zen. Método y arte del sumi-e. Editorial Kairós: Barcelona, 2006. ISBN 978-84-7245-621-1
- Sūtra de Vimalakīrti: orixinal de Kumārajīva (s. V), tornáu del chinu al castellanu por Laureano Ramírez Bellerín. Editorial Kairós: Barcelona, 2004. ISBN 84-7245-550-5
- Suzuki, Daisetz Teitaro. ¿Qué es el Zen?. Editorial Losada: Madrid, 2006. ISBN 84-96375-18-8
- —, y Fromm, Erich. Budismo Zen y psicoanálisis. Fondo de Cultura Económica: Méxicu, 1960/2003 [15ª reimpresión]. ISBN 968-16-0624-8
- —. Ensayos sobre budismo Zen {3 volúmenes}. Editorial Kier: Buenos Aires. ISBN 950-17-1011-4/ISBN 950-17-1012-2/ISBN 950-17-1013-0
- —. Introducción al budismo Zen. Editorial Kier: Buenos Aires, 2003 [8ª edición]. ISBN 950-17-1014-9. Ediciones Mensajero: Bilbao, 1979/2006. [4ª edición]. ISBN 978-84-271-0779-3
- —. Manual de budismo Zen. Editorial Kier: Buenos Aires, 2003 [4ª edición]. ISBN 950-17-1008-4
- —. El buda de la luz infinita: las enseñanzas del budismo Shin. Editorial Paidós: Barcelona, 2001. ISBN 84-493-1132-2
- —. El ámbito del Zen. Editorial Kairós: Barcelona, 2000 [1ª edición, 3ª impresión]. ISBN 84-7245-127-5
- —. El Zen y la cultura Japonesa. Ediciones Paidos Ibérica: Barcelona, 1996 [3ª impresión]. ISBN 84-493-0239-0
- —. La doctrina Zen del inconsciente: significado del sutra de Huinen G. Editorial Kier: Buenos Aires, 1993. ISBN 950-17-1009-2
- —. Budismo Zen. Editorial Kairós: Barcelona, 1993. ISBN 84-7245-275-1
- Suzuki, Shunryu. Mente de Zen, Mente de Principiante. Troquel ediciones: Buenos Aires, 1994. ISBN 950-16-0212-5
- Thibaut, Stéphan Kosen. Zen, la revolución interior. Troquel ediciones: Buenos Aires, 1996. ISBN 950-16-0354-7
- Vega, Amador. Zen, mística y abstracción. Ensayos sobre el nihilismo religioso. Editorial Trotta: Madrid, 2002. ISBN 84-8164-396-3
- Watts, Alan. El camino del Zen. Editorial Edhasa: Barcelona, 2003 [2ª edición]. ISBN 84-350-2714-7
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads