From Wikipedia, the free encyclopedia
Les xaronques[1] o ranes[2] son anfibios d'agua dulce de la familia Ranidae, alcontrándose munchos xéneros. Tán mui cercanes a los sapos.
Hai unes 4800 especies. La mayor parte pasen la vida nel agua o a la so vera, magar que les xaronques arbories tan adautaes a la tierra firme. La necesidá d'agua ye mayor nes fases de güevu y renacuayu.
Tienen un tamañu entre 50 mm y 300 mm na Conraua goliath, que ye la más grande conocida. Toles xaronques tienen una neñina horizontal, piel suave y pates llargues.
Son animales de distribución mundial, esceuto nes islles oceániques.
La población ta declinando nes caberes décades por mor de la contaminación del hábitat.
La xaronca come inseutos como mosquitos y otros animales como pixinos d'agua dulce. Cacen mayormente na nueche y suelen tener una llingua bien llarga, afayadiza pa coyer preses de movimientos rápidos.
En 2003, Franky Bossuyt de la Universidá Llibre de Bruxeles y S.D. Biji del Xardín Botánicu Tropical y Institutu d'Investigación en Palode, India, descubrieron especies pertenecientes a una nueva familia de xaronques, la primera dende 1926. Diéron-yos el nome de Nasikabatrachus sahyadrensis (Xaronques púrpures).[ensin referencies]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
