From Wikipedia, the free encyclopedia
Vostok 6 (rusu: Восток-6 ) cosmonave tripulada, la postrera (tripulada) del programa Vostok.
| Vostok 6 | ||||
|---|---|---|---|---|
nave espacial tripulada (es)  , Vostok (es) y vuelu espacial tripuláu | ||||
 | ||||
| Información | ||||
| Parte de | Programa Vostok | |||
| Historia | ||||
| Operadores |
| |||
| Acontecimientos significativos |
Llanzamientu espacial (16 xunu 1963) (en Plataforma Gagarin (es) ) Aterrizaxe (19 xunu 1963) (en Kazakstán) | |||
| Carauterístiques | ||||
| Masa | 4713 quilogramos | |||
| ||||
 | ||||
Este yera un vuelu conxuntu. Na so primera órbita, la Vostok 6 averóse a casi cinco quilómetros de la Vostok 5 (pilotada por Valeri Bikovski), el puntu más cercanu alcanzáu nel vuelu, y estableció el contautu per radio. Los oxetivos del vuelu incluyíen: analís comparativu de los efeutos del vuelu espacial nel organismu d'homes y muyeres; investigación médicu-biolóxica; desenvolvimientu y meyora de los sistemes de la nave espacial so condiciones de vuelu conxuntu. Nesti vuelu en particular foi solucionáu de manera definitiva'l problema de l'alimentación de los cosmonautes.
Realizáronse adautaciones tanto al traxe espacial como na construcción de la nave de manera que tuvieren afechos pal organismu femenín.
La mayor parte del tiempu los cosmonautes ocupáronse de los esperimentos de comunicación per radio. Los cosmonautes calteníen un enllaz cola Tierra al traviés d'Onda Curtia y ultracurtia, y tamién calteníen el contautu per radio ente ellos, coordinando les aiciones y comparando los resultaos de les observaciones.
Foi idea de Serguéi Koroliov, dempués del vuelu de Yuri Gagarin, el poner una muyer nel espaciu como novedá. Nikita Khrushchov fixo la selección final de la tripulación.
Esti vuelu tamién foi usáu con fines propagandísticos p'amosar los llogros del socialismu, tanto polos algames de la téunica espacial como pa demostrar que na URSS les muyeres teníen iguales posibilidaes que los homes. Sicasí, pasaron 19 años primero qu'otra muyer soviética, Svetlana Savítskaya, volara al espaciu.
| Predecesor: Vostok 5 |
Programa Vostok 1963 |
Socesor: Últimu satélite del programa |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
