United Center

L'United Center ye un pabellón multideportivu asitiáu nel área de Chicago, Illinois. El so nome provién del so principal espónsor, United Airlines, la compañía aérea que paga alredor de 1,8 millones de dólares añales por dar nome al estadiu, y que tienen contratu hasta l'añu 2014. Ye'l llar de los Chicago Blackhawks de la NHL y de los Chicago Bulls de la NBA. Sustitúi al vieyu Chicago Stadium, que foi baltáu en siendo inauguráu'l flamante United Center el 18 d'agostu de 1994.

United Center
estadiu
Llocalización
País	Estaos Xuníos
Estaos	Illinois
Direición	Madison Street (en)
Coordenaes	41°52′50″N 87°40′27″W
United Center United Center (los EE.XX.)
Historia y usu
Apertura	18 agostu 1994
Dueñu	Chicago Blackhawks
Orixe del nome	United Airlines
Deporte	baloncestu
Usuariu	Chicago Bulls Chicago Blackhawks
Aforu	23 500
Arquiteutura
Arquiteutu/a	Populous
Constructor	Amec Foster Wheeler (es)
Inxenieru d'estructures	Thornton Tomasetti
Superficie	89 240 m²
Web oficial

Na parte este del esterior del pabellón atopa la famosa estatua de Michael Jordan. De cutiu el pabellón ye denomináu la casa que construyó Jordan.

Aforu

Presume de ser el pabellón zarráu más estensu de los Estaos Xuníos, colos sos casi 90.000 metros cuadraos construyíos. Tien una capacidá de 20.500 espectadores pa ḥoquei sobre xelu, 21.711 para baloncestu y 23.500 pa conciertos, allugándose segundu por detrás del Palace of Auburn Hills. Alluga más de 200 acontecimientos al añu, y foi visitáu por más de 20 millones de persones dende la so inauguración.

Eventos

Amás de los aproximao 100 partíos de los Bulls y los Blackhawks cada añu, el United Center alluga otros acontecimientos deportivos, como dalgún partíu de los Illinois Fighting Illini de la NCAA o'l tornéu de la Big Ten Conference. Amás, son habituales los conciertos de música, d'ente los que pueden destacar los de Shakira, Bob Dylan, Coldplay, Green Day, Dave Matthews Band, David Bowie, Red Hot Chili Peppers, The Smashing Pumpkins, Rush, The Rolling Stones, Eric Clapton, Bruce Springsteen, Billy Joel, Paul McCartney, U2, Phil Collins, The Who, Madonna, Christina Aguilera, Britney Spears, Justin Timberlake, Van Halen, Aerosmith, Bon Jovi, Pearl Jam, Los Tres Tenores, Barbra Streisand, Miley Cyrus, Lady Gaga y Swedish House Mafia cola so xira mundial "One Last Tour".

Amás, tamién se celebraron espectáculos del Cirque du Soleil, Ringling Brothers and Barnum & Bailey Circus y de Disney on Ice.

Galería

• 
  Entrada al United Center
• 
  Panorámica del pabellón
• 
  Interior del United Center
• 
  El United Center afechu pa recibir partíos de ḥoquei sobre xelu