Trabayu (física)

En mecánica, el trabayu^[1] fechu por una fuercia aplicada sobro una partícula demientres un ciertu desplazamientu defínese como la integral del productu escalar del veutor fuercia pol veutor desplazamientu. El trabayu ye una magnitú física escalar, y represéntase cola lletra ${\displaystyle \ W}$ (del inglés Work) para diferencialu de la magnitú temperatura, davezu representada cola lletra ${\displaystyle \ T}$.

${\displaystyle W_{AB}=\int _{A}^{B}\,{\vec {F}}\cdot d{\vec {r}}}$

Trabayu
tresferencia d’enerxía, cantidá física y enerxía

En termodinámica el trabayu que se fai cuando un gas s'esparde o se comprime exerciendo una presión dende un volume A hasta otru volume B vien dau por

${\displaystyle W_{AB}=-\int _{A}^{B}\,PdV}$

El trabayu ye, en xeneral, dependiente de la trayeutoria, poro, nun constitúi una variable d'estáu. La unidá básica de trabayu nel Sistema Internacional ye'l newton × metru y denómase joule o xuliu, y ye la mesma unidá que mide la enerxía. Poro, atalántase que la enerxía ye la capacidá pa facer un trabayu o que'l trabayu prevoca una alteración d'enerxía.

Referencies

1. Esti términu apaez nel Diccionariu de l'Academia de la Llingua Asturiana. Ver: trabayu

• Datos: Q42213
• Multimedia: Work (physics)