futbolista alemán From Wikipedia, the free encyclopedia
Thomas Müller (13 de setiembre de 1989, Weilheim in Oberbayern) ye un futbolista alemán que se desempeña cubriendo tantu la demarcación de Mediapunta o Volante Ofensivu o como la de Delanteru centru o Estremu Derechu. Anguaño milita nel Bayern Múnich de la Bundesliga d'Alemaña.
Formóse como futbolista profesional na cantera del FC Bayern München. Debutó col primer equipu so les órdenes del téunicu neerlandés Louis van Gaal mientres la temporada 2008/09, xugando un total de cinco partíos.[5][6] Na temporada 2009/10 afitóse como titular nel equipu, xugando un total de 52 partíos, siendo'l segundu xugador del equipu en partíos apostaos, con unu menos que Philipp Lahm. Nesa temporada'l club llogró ganar la Bundesliga y la Copa d'Alemaña, y algamó la final de la Lliga de Campeones de la UEFA.[7][8][9]
A la fin de la temporada foi convocáu para apostar la Copa Mundial de Fútbol de 2010 celebrada en Sudáfrica cola seleición de fútbol d'Alemaña, consiguiendo esta'l tercer llugar.[10][11] Foi nomáu meyor xugador mozu del tornéu y ganó la Bota d'Oru con cinco goles y trés asistencies.[12]
Thomas Müller marcó un hat-trick nel primer partíu d'Alemaña na Copa Mundial de Fútbol 2014 contra Portugal el 16 de xunu de 2014.[13] El 13 de xunetu de 2014 coronóse como campeón del mundu cola seleición d'Alemaña, y nel tornéu apostó 7 partíos, anotó 5 goles y dio 3 asistencies, amás de consiguir el Balón de Plata y la Bota de Plata de la Copa del Mundu de 2014.
.jpg)
Müller representó a Alemaña en dellos niveles de la cantera, empezando col equipu sub-16 en 2004.[14] N'agostu de 2009, foi llamáu a la seleición sub-21 per primer vegada, faciendo'l so debú nun amistosu que terminó 1-3 contra Turquía.[15] Hasta agora ganó seis partíos col equipu sub-21, nos qu'anotó un gol, l'octavu nun 11–0 que ganó a San Marín.[16][17]
N'ochobre del mesmu añu, los partíos de Müller pal Bayern ablucaron al entrenador del combináu alemán, Joachim Löw, y consideró-y públicamente como un candidatu a la seleición nacional, y nel siguiente mes, foi convocáu cola seleición nun amistosu contra Costa de Marfil.[18][19][20] Sicasí, esto coincidió cola muerte del porteru del equipu, Robert Enke, lo cual condució a que l'alcuentru contra Chile na mesma selmana fuera canceláu.[21] Con menos oportunidá para probar a xugadores nuevos, y cola clasificación del equipu sub-21 para'l Campeonatu Européu de 2011, Löw y l'entrenador de la sub-21, Rainer Adrion, sintieron que fuera precisáu nesi nivel, y foi llamáu de regresu a los sub-21.[22]
Müller taba de regresu na seleición absoluta para'l siguiente partíu, una sesión d'entrenamientu en Sindelfingen en xineru de 2010, y foi llamáu pa xugar contra Arxentina nun amistosu, partíu nel que debutó, siendo convocáu nel once titular pa ese atopo nel Allianz Arena.[23][24] Foi sustituyíu nel minutu 66 pol debutante Toni Kroos, y el partíu terminó 0-1.[25]
El 6 de mayu, Müller foi nomáu dientro de la seleición de los 27 xugadores provisionales pa la Copa Mundial en Sudáfrica, xunto con otros siete xugadores del Bayern Múnich.[26] A pesar de sufrir un plasmu cuando se cayó de la so bicicleta nel campu d'entrenamientu del equipu, en Tirol del Sur, solo sufrió mancadures superficiales, y superó la corte final pal tornéu cuando la seleición amenorgóse 23 xugadores el 1 de xunu.[27][28] Foi-y asignáu'l númberu 13, de normal usáu pol capitán Michael Ballack, y primeramente usáu por Gerd Müller.[29]
Ganó'l so segundu partíu internacional nel últimu alcuentru antes de la Copa del Mundu, sustituyendo a Piotr Trochowski nun partíu que terminó 3–1 frente a Bosnia y Herzegovina.[30] Foi titular nel primer partíu de la Copa Mundial con Alemaña nuna victoria de 4–0 sobre Australia y anotó el so primer gol internacional, el terceru del partíu.[31] Con él ganó'l premiu al gol del mes d'Alemaña».[32] Xugó en munchos de los partíos del equipu alemán, que se clasificó pa los octavos, marcó dos goles y ayudó na victoria de 4–1 sobre Inglaterra.[33] Anotó'l so cuartu gol del tornéu nos cuartos de final contra Arxentina, abriendo la puntuación nel tercer minutu, onde terminó 4–0. Sicasí, llogró la so segunda tarxeta mariella del tornéu na segunda metá, por eso nun xugó contra España - Müller dixo que se sintió muncho más nerviosu viendo'l xuegu que si fuera capaz de xugar.[34] Depués tornó al equipu pal partíu contra Uruguái, anotando'l primer gol, Alemaña terminó 3–2, tomando la medaya de bronce.[35] Con cinco goles acabó como goliador na parte cimera del tornéu, y les sos trés asistencies significaron que ganara la Bota d'Oru.[36] Tamién conquistó'l premiu al meyor xugador nuevu, delantre d'otros candidatos: André Ayew de Ghana y Giovani Do Santos de México.[37] En dambos casos llogró los premios de los sos compañeros d'equipu, Miroslav Klose y Lukas Podolski que consiguieron los premios respeutivos en 2006.[38] N'ochobre de 2010, foi nomáu na preselección para'l premiu «Ballon D'Or», xunto con cuatro alemanes.[39] Cavilgando sobro'l so ésitu na Copa Mundial, Müller dixo «básicamente estimé, cuto xusto nel momentu correutu».
Müller anotó'l so primer gol pa la clasificación de la Copa Mundial, el 22 de marzu de 2013, marcando'l primeru y el postreru na victoria por 3-0 sobro Kazakstán.[40] Tamién anotó nes victories sobro Austria ya Islles Feroe lo que resultó en cuatro goles na esitosa campaña d'Alemaña.
El 8 de mayu de 2014, Müller foi incluyíu na llista preliminar de 30 xugadores pol entrenador Joachim Löw con mires a la Copa Mundial de Fútbol de 2014.[41][42] Foi ratificáu ente los 23 xugadores que van viaxar a Brasil el 2 de xunu.[43][44][45]
El 16 de xunu de 2014, nel primer partíu d'Alemaña na Copa Mundial de Fútbol de 2014, Anotó'l primera hat-trick del tornéu y foi nomáu meyor xugador del partíu na victoria por 4-0 énte Portugal.[46][47] Tamién foi blancu de la cabezada de Pepe nel minutu 37, lo que dio llugar a la espulsión del defensa portugués. Negó esaxerar "" la situación que condució a la tarxeta colorada.[48] El 26 de xunu anotó l'únicu gol del postreru partíu de fase de grupos contra Estaos Xuníos, lo qu'ayudó a los alemanes a termina como cabeza del grupu G.
El 8 de xunetu, marcó'l primer gol d'Alemaña na victoria por 7-1 en semifinales contra Brasil.[49] Este foi'l gol númberu 2000 d'Alemaña. Müller anotó cinco goles en caúna de les sos dos primeres Copes del Mundu, faciéndolo'l tercer xugador en llogralo (dempués de Teófilo Cubillas y el so compañeru Miroslav Klose).[50] Con esi gol, empató a Helmut Rahn con 10 goles en Copes del Mundu.
El 11 de xunetu, foi escoyíu ente los diez nomaos al Balón d'Oru al meyor xugador del tornéu. Dempués de tener un papel importante nel trunfu del equipu na Copa del Mundu, recibió la Bota de Plata como segundu máximu goliador del tornéu con cinco goles anotaos, y tamién foi escoyíu nel Equipu de les Estrelles.
| Títulu | Club | País | Añu |
|---|---|---|---|
| 1. Bundesliga | FC Bayern München |  Alemaña |
2009-10 |
| Copa d'Alemaña | 2009-10 | ||
| Supercopa d'Alemaña | 2010 | ||
| Supercopa d'Alemaña | 2012 | ||
| 1. Bundesliga | 2012-13 | ||
| Copa d'Alemaña | 2012-13 | ||
| 1. Bundesliga | 2013-14 | ||
| Copa d'Alemaña | 2013-14 | ||
| 1. Bundesliga | 2014-15 | ||
| 1. Bundesliga | 2015-16 | ||
| Copa d'Alemaña | 2015-16 | ||
| Supercopa d'Alemaña | 2016 | ||
| 1. Bundesliga | 2016-17 | ||
| Supercopa d'Alemaña | 2017 | ||
| 1. Bundesliga | 2017-18 | ||
| Supercopa d'Alemaña | 2018 | ||
| 1. Bundesliga | 2018-19 | ||
| Copa d'Alemaña | 2018-19 | ||
| 1. Bundesliga | 2019-20 | ||
| Copa d'Alemaña | 2019-20 | ||
| Supercopa d'Alemaña | 2020 | ||
| 1. Bundesliga | 2020-21 | ||
| Supercopa d'Alemaña | 2021 | ||
| 1. Bundesliga | 2021-22 | ||
| Supercopa d'Alemaña | 2022 | ||
| 1. Bundesliga | 2022-23 |
| Títulu | Club | Sede | Añu |
|---|---|---|---|
| Lliga de Campeones de la UEFA | FC Bayern München |  Londres |
2012-13 |
| Supercopa de la UEFA |  Praga |
2013 | |
| Copa Mundial de Clubes de la FIFA |  Marruecos |
2013 | |
| Copa Mundial de Fútbol | Selección d'Alemaña |  Brasil |
2014 |
| Lliga de Campeones de la UEFA | FC Bayern München |  Lisboa |
2019-20 |
| Supercopa de la UEFA |  Budapest |
2020 | |
| Copa Mundial de Clubes de la FIFA |  Qatar |
2020 |
| Distinción | Añu |
|---|---|
| Equipu de la Temporada en la Bundesliga | 2009-10, 2017-18, 2019-20, 2020-21, 2021-22 |
| Máximu goliador de la DFB-Pokal | 2010, 2014 |
| Troféu Bravo | 2010 |
| Meyor xugador mozu del mundu (World Soccer) | 2010 |
| Meyor xugador mozu de la Copa Mundial FIFA | 2010 |
| Bota d'Oru Copa Mundial FIFA | 2010 |
| Máximu asistente Copa Mundial FIFA | 2010 |
| Equipu All-Star de la Copa Mundial FIFA | 2010, 2014 |
| Hoja Laurel de Plata | 2010, 2014 |
| Plantía de la temporada en la Lliga de Campeones | 2012-13, 2019-20 |
| Equipu del añu ESM | 2013 |
| Xugador del añu de la UEFA | 2012-13(6°), 2013-14(4°), 2015-16(10°), 2019-20(6°) |
| FIFA Balón d'Oru | 2013-14(5°), 2014-15(6°) |
| Balón de Plata Copa Mundial FIFA | 2014 |
| Bota de Plata Copa Mundial FIFA | 2014 |
| Máximu Asistente de la Bundesliga | 2017-18, 2019-20, 2020-21, 2021-22 |
| Xugador del partíu en la Supercopa d'Europa | 2020 |
| Máximu asistente d'Europa | 2020-21, 2021-22 |
| Xugador de la temporada del FC Bayern München | 2021-22 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
_33.jpg)
