From Wikipedia, the free encyclopedia
El sudu ye producíu xeneralmente como un mediu de refrigeración corporal conocíu como trespiración y médicamente como diaforesis, cuando ye escesiva. El sudu tamién puede ser causáu por una respuesta física a la estimulación y el mieu, una y bones estos estímulos aumenten la escitación que'l sistema nerviosu simpáticu exerz sobre les glándules sudorípares.
La hiperhidrosis ye un trestornu que consiste nun escesu de sudu que se produz por fallu del nuesu sistema nerviosu autónomu (simpáticu), aniciando que'l nuesu organismu produza más sudu del que precisa pa regular la temperatura corporal. Munches persones que presenten esta enfermedá ven afeutada la so calidá de vida y sienten perda de control sobre ella, una y bones la trespiración preséntase independientemente de la temperatura y del estáu emocional. Esta alteración suel empecipiase na infancia o la pubertá y de normal dura tola vida. Dizse tamién que ye hereditaria y ciertos alimentos y golores pueden afectar más a esti trestornu.
Según les rexones afeutaes por escesu de trespiración, estrémense: sudoración palmar, sudoración axilar y sudoración facial (un fenómenu acomuñáu a la sudoración facial ye'l arrebol facial, que consiste nel encarnizamientu de la cara).
Amás, puede estremase hiperhidrosis primaria y hiperhidrosis secundaria: la primera puede empecipiase en cualquier momentu de la vida; la segunda, puede debese a trestornos de la glándula tiroidea o pituitaria, diabetes mellitus, tumores, menopausia o ciertos fármacos.
Envalórase que'l 1 % de la población carez hiperhidrosis primaria; afecta d'igual manera a homes y muyeres.
La hiperhidrosis tien una repercusión importante sobre la calidá de vida de quien la carecen. Puede convivise con ella pero de cutiu puede causar estrés emocional, enzancando n'ocasiones la vida personal, llaboral y social del paciente, como dificultá na manipulación de papeles, llapiceros, botones, ferramientes o equipos electrónicos. La necesidá d'evitar el saludu de manes obliga a munches persones a buscar tratamientu.
N'ocasiones la sudoración escesiva y los sudos fríos pueden ser síntomes, davezu xunto con otros como la fiebre, de dalguna enfermedá como la gripe, la leucemia linfática crónica y numberoses enfermedaes infeicioses.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
