Savaiʻi
From Wikipedia, the free encyclopedia
Savaiʻi ye la islla más grande de Samoa, inclusive más grande que toles otres islles del país xuntes. Conócenla como L'alma de Samoa.
| Savaiʻi | |
|---|---|
 | |
| Situación | |
| País |  Samoa |
| Tipu | islla |
| Parte de | Archipiélagu de Samoa |
| Asitiáu en | Océanu Pacíficu |
| Coordenaes | 13°35′S 172°25′W |
  Savaiʻi Savaiʻi (Samoa) | |
| Datos | |
| Altitú media | 1858 m |
| Puntu más altu |
Monte Silisili (es)  |
| Superficie | 1718 km² |
| Población | 44 402 |
| Fusu horariu | UTC+13:00 |
| Llonxitú | 70 km |
 | |
La islla ta formada por un volcán basálticu que surde del océanu Pacíficu.
El volcán de Savaiʻi atópase activu, anque entró n'erupción per última vegada en 1911.
Llar d'aproximao 50.000 persones, esta islla ta menos desenvuelta que Upolu, la otra islla principal. Los puertos de Salelologa y de Asau que s'asitia en Savaiʻi.
Savaiʻi ye llar de los géiseres marítimos de Alofaʻaga, y de les Pirámides de Pulemele que daten de les dómines prehistóriques. Nos entamos del sieglu XIX, la islla dacuando foi llamada Pola.
La islla forma parte del Estáu Independiente de Samoa, la so superficie ye de 1694 kilómetros cuadraos y el so picu más altu ye'l monte Silisili.
La mayor parte de la mariña son sableres bordiaes de palmeres y hai selves tropicales, cascaes, cueves, piscines d'agua duce, espiráculos y petones de coral.
Tamién hai numberosos sitios arqueolóxicos, incluyíos montículos d'estrelles, fortificaciones y pirámides como'l montículo Pulemelei nel distritu de Palauli.
L'arqueoloxía en Samoa afayó munchos asentamientos prehistóricos, incluyíos sitios en Vailoa y Sapapaliʻi.
La islla ye'l volcán n'escudu más grande del Pacíficu Sur.
Les sos erupciones más recién fueron a principios del sieglu XX. La so rexón central entiende la selva tropical de Savaiʻi, que s'estiende sobro 72.699 hectárees (727 km²), que ye la selva tropical allegante más grande de Polinesia.
Ta chiscáu de más de 100 cráteres volcánicos y contién la mayoría de les especies natives de flora y fauna de Samoa, lo que la convierte nuna de les árees de caltenimientu de mas importancia de tol mundu.
La islla consiste nun volcán n'escudu similar en forma a los volcanes Ḥawaianos. La islla tien por consiguiente un perfil inclináu, algamando una altitú máxima de 1.858 metros nel Monte Silisili.
Savai'i sigue siendo volcán activu, con erupciones recién en Matavanu ente 1905 y 1911, Matu Afi Ole en 1902 y Mauga Afi en 1725. El campu de lava en Saleaula causáu poles erupciones de Matavanu nel ventenu sieglu ye bastante estensu y ye visible en fotografíes satelitales.[1]
Según el censu realizáu nel añu 2001 esta islla tien una población de 50.000 pobladores aproximao. La so densidá en de 28.1 habitantes per kilómetru cuadráu. Los sos grupos étnicos son: Samoanos 92.6%, Euroasiáticos (Persones con sangre Europeo y Polinesia) 7% y Europeos 0.4%.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
