Saint John (Islles Vírxenes)
From Wikipedia, the free encyclopedia
Saint John ye la más pequeña de les tres islles principales de les Islles Vírxenes Americanes, un territoriu non incorporáu de los Estaos Xuníos d'América. Ta allugada nel mar Caribe, a cuatro milles al este de Saint Thomas, aú s'alluga la capital del territoriu, Charlotte Amalie, y a cuatro milles al sur de Tortola, nes Islles Vírxenes Britániques. Tien una estensión de 50,8 km² y una población de 4.170 habitantes (U.S. Census Bureau, 2010). La islla carez d'aeropuertu, asina que’l accesu tien que facese'n barcu. Hai serviciu por ferry con frecuencia horaria dende Saint Thomas y diaria dende Tortola; hai tamién servicios regulares dende Virgin Gorda, Jost Van Dyke y Anegada. El 60% del territoriu de la islla forma parte del Parque Nacional de les Islles Vírxenes.
| Saint John | |
|---|---|
 | |
| Alministración | |
| Territorios ensin incorporar |  Islles Vírxenes Americanes |
Census district of the United States Virgin Islands (en)  | [[d:Special:EntityPage/Q28106791|10px |
| Tipu d'entidá | islla |
| Capital |
Cruz Bay (en) |
| Nome llocal | Saint John (en) |
| Xeografía | |
| Coordenaes | 18°20′23″N 64°44′58″W |
 | |
| Superficie | 50.8 km² |
| Altitú media | 121 m |
| Demografía | |
| Población | 3881 hab. (2020) |
| Densidá | 76,4 hab/km² |
| Más información | |
| Estaya horaria | UTC−04:00 |
 | |
Los primeros habitantes de la islla foron pobladores arawak qu'aportaron a ella dende la zona costera de Colombia y Venezuela alredor del añu 300. Permanecieron nella hasta'l 1300, cuando foron espulsaos polos caribe (pueblu)|caribe.
El primer européu que vio l'archipiélagu foi Cristóbal Colón demientres el so segundu viaxe al Nuevu Mundu en 1493. Denomó al grupu de isllas como les Once mil vírxenes, n'honor de la fiesta de Santa Úrsula y les 11.00 vírxenes que foron martirizadas con ella.
Nun hebo, por embargu, europeos viviendo na islla hasta que foi ocupada pola Compañía Danesa de les Indies Occidentales. Foron, posiblemente, ellos los que-y dieron el so nome actual (Sankt Jan en danés) a la islla. La corona danesa tomó'l control de la colonia, formada por esta islla, la de Saint Thomas y la de Saint Croix, en 1754. Entamaron a desarrollarse grandes plantaciones d'azúcar, y con ellas aportaron munchos esclavos. Na islla ocurrió una de les primeres revueltes importantes d'esclavos; en 1733, akwamu orixinarios de la Costa del Oru tomaron el control de la islla por seis meses. Los daneses, cola ayuda de soldaos franceses llegaos de la Martinica, consiguieron derrotalos. Primero que los franceses los pañaran más d'una docena d'homes y muyeres suicidáronse. La proporción d'esclavos na población total de la islla en 1775 respeuto a los daneses yera de 5 a 1, y a ellos hai que sumar a los indíxenes caribe y arawak, que foron esclavizaos al puntu de quedar cuasimente desaniciaos. La esclavitú foi abolida definitivamente na islla el 3 de xunetu de 1848.
En 1917 los Estaos Xuníos compráron-y les islles a Dinamarca por 25 millones de dólares col oxetivu d'establecer una base naval pa prevenir los intentos d'espansión alemana n'América. Amás d'ello, reconocieron la reivindicación danesa de la soberanía de Groenlandia, qu'Estaos Xuníos tamién reclamaba pa sigo. Les Indies occidentales daneses convirtiéronse nes Islles Vírxenes Americanes, un territorio non incorporáu de los Estaos Xuníos. Los sos ciudadanos son ciudadanos estauxunidenses, magar que nun pueden votar nes eleiciones presidenciales y tienen representantes nel congresu con voz pero ensin capacidá de votu. Esto, sicasí, ta impugnáu nos tribunales, y los que defenden el derechu de los ciudadanos a tener presencia nel Congresu y a elixir al presidente aleguen que ye un casu de discriminación racial. Afirmen que'l Congresu de 1917, con tolos sos miembros de raza blanca, refugó dá-yos estos derechos porque yeren un territoriu con una gran mayoría de ciudadanos de raza distinta a la blanca. Nostante dende 1972 los ciudadanos escueyen al so propiu gobernador, y tienen un gran nivel d'autonomía, con un parllamentu de 15 miembros que representen a les trés islles.
En 1956 Laurance Rockefeller donó la mayoría de les tierres que comprara na islla al Serviciu de Parques Nacionales de los Estaos Xuníos cola condición de que ficieran un espaciu natural protexíu. El parque nacional cubre alredor del 60% de la superficie de la islla de Saint John, incluyendo bona parte de la llinia de costa y los arrecifes coralinos. La proteición estendióse en 2001 cola creación del Monumentu Nacional del Arrecife Coralinu de les Islles Vírxenes.
Saint John sodivídese nos siguientes sodistritos (ente paréntesis la so población según el censu de 2010):
- 1. Central (779 habitantes)
- 2. Coral Bay (634 habitantes)
- 3. Cruz Bay (2.706 habitantes)
- 4. East End (51 habitantes)
Los residentes de les islles elixen cada cuatro años un parllamentu de 15 delegaos que deciden la mayoría de les cuestiones relatives al gobiernu de les islles. Siete d'ellos son de Saint Croix, otros siete de Saint Thomas y Saint John y el decimoquintu, elixíu a mayores, tien que ser residente en Saint John. Amás de a ellos, los residentes elixen tamién un gobernador pa un mandatu de cuatro años. Saint John nun tien un gobiernu propiu, magar que'l gobernador designa un alministrador pa la islla. Esta figura, sin poder real, actúa como conseyeru del gobernador y como'l so voceru pa desplicar a la población les polítiques de so.
Cruz Bay tien convertíose na principal de la ciudá de la islla dende que'l serviciu de ferry dende Saint Thomas ye la principal ruta d'entrada a la islla. Anantes d'eso Coral Bay yera'l centru de l'actividá económica de la islla, porque'l so puertu natural servía d'abellugu a los veleros, que teníen amás una ruta de navegación percómoda hasta les Islles Vírxenes Britániques.
Les agües qu'arrodien la islla son vixilaes pola Guardia Costera de los Estaos Xuníos, con patrulleres que tienen la base en Miami y San Xuan de Puertu Ricu.
La principal exportación de la islla foi, por sieglos, la caña d'azúcar, producida en grandes cantidaes gracies al trabayu de mano d'obra esclava indíxena y africana. Esa industria, nostante, desapaeció en cuantes que se-y dio a los esclavos la llibertá, y la economía de la islla anguaño ta completamente volcada nel turismu y los servicios turísticos.
Saint John ye perconocida pola so belleza natural y la guapura les sos playes, porque les restricciones a la construcción impidieron que tea tan urbanizada y alteriada pola actividá humana como les otres dos islles del archipiélagu. Saint John ye un destinu turísticu, mui solicitáu pa correr la noviada, y tien dos grandes centros turísticos y una playa considerada como una de les diez más guapes del mundu. Ye tamién la más esclusiva y cara de les islles del archipiélagu, lo que la fai destinu favoritu de xente rica; tantu que-y punxeron el nomatu de la Beverly Hills del Caribe. Cruz Bay, na costa occidental, ye'l principal puertu. A ella aporten los ferrys y nella concéntrense la mayoría de los servicios turísticos: alquileres de coches, restoranes... y les trés principales zones de compres de la islla: Mongoose Junction, el Marketplace y Wharfside Village. Coral Bay, na costa oriental, ye la otra ciudá de la islla, muncho más pequeña y con menos actividá comercial.
Dos tercios de la islla tán incluyíos nel parque nacional, qu'inclúi, na costa norte, dalguns de les playes más guapes del Caribe. La más espectacular y conocida ye Trunk Bay, qu'apaez davezu nes llistes de les diez playes más guapes del mundu que faen dalgunes de les más importantes revistes de viaxes del mundu. La playa, como toles del parque nacional, son d'accesu llibre pa tol mundu. El restu de la costa de la islla, sobre too nes fasteres septentrional y oriental, ye de propiedá privada. Hai dos zones de cámping nes playes de Maho Bay y Cinnamon Bay, y cartelos identificativos de la flora y la fauna que puede alcontrase nos arrecifes de coral. Les playes del sur de la islla son mayormente pedreros, mui xabaces y de difícil accesu.
La temporada alta pal turismu va del final d'ochobre hasta xunu, cuando se celebra el Festival de San Xuan. Los meses de veranu, percalurosos, son los menos utilizaos pa visitar la islla.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
