zona de sable o pequeñes piedres cerca'l ar o otra zona d'agua como un llagu From Wikipedia, the free encyclopedia
Una sablera/u ye una forma xeolóxica consistente na acumulación de sedimentos, por mor de la dinámica llocal del folaxe. Estos sedimentos son arenes, magar qu'hai sableres de graves y de piedres. Esisten munches clases de sableres, y puen dase delles formes nun mesmu bancu de sedimentos, pues nunos metros el tipu de rompiente pue camudar dando-y orixe a un tripu de sablera estremáu.
Una sablera fórmase cuando'l folaxe y les corrientes de la mar propicien qu'aporten sedimentos a una zona la costa. Entós una sablera fórmase embaxo dos supuestos: el primeru, que la forma de la costa seya tala qu'haiga una zona na quentre' una cantidá bayurosa de sedimentu y que seya estable colos estremaos estaos del clima marítimu. El segundu, qu'esista una zona na qu'anque'l sedimientu vaiga perdiéndose, haiga una llegada continua de sedimentu que pueda compensalo. Una vuelta depositaos los sedimentos, la sablera ye modelada según el tipu de rompiente que l'afeute..
La sablera ye una xeoforma dinámica polo que ta nun cambéu contino, suxeta en tou momentu a l'aición que cada fola, que cada marea y que cada temporal-y provoquen, con grandes ya importantes tresportes del propiu sedimentu que la componen.
Una sablera ye un entornu inestable qu'espón a les plantes y animales que lu habiten a condiciones hostiles. Dellos animales pequeños escarben nel sable y aliméntense col material depositáu poles foles. Tamién l'habiten cámbaros, inseutos, y páxaros pequeños. Les tortugues de mar depositen los sos güevos nes sableres. Los restos d'animales muertos y l'ocle depositaos na zona menos fondera de la sablera y dunes fai posible l'apaición d'una vexetación escasa.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
