Ribamontán al Monte

Ribamontán al Monte
Alministración
País	España
Autonomía	Cantabria
Partíu xudicial	Santoña
Tipu d'entidá	conceyu de Cantabria
Alcalde de Ribamontán al Monte	José Luis Blanco Fomperosa
Nome oficial	Ribamontán al Monte (es)
Nome llocal	Ribamontán al Monte (es)
Códigu postal	39794
Xeografía
Coordenaes	43°24′29″N 3°39′41″W
	Ribamontán al Monte Ribamontán al Monte (España)
Superficie	42.17 km²
Altitú	42 m
Llenda con	Hazas de Cesto, Solórzano, Entrambasaguas, Marina de Cudeyo, Ribamontán al Mar, Bareyo y Meruelo
Demografía
Población	2498 hab. (2023); - 1181 homes (2019); - 1095 muyeres (2019)
Porcentaxe	0.43% de Cantabria
Densidá	59,24 hab/km²
Más información
Estaya horaria	UTC+01:00
	aytormonte.com…

Ribamontán al Monte ye un conceyu asitiáu na contorna de Trasmiera de la comunidá autónoma de Cantabria, España.

Datos rápidos Alministración, Partíu xudicial ...

Zarrar

Llenda al norte con Ribamontán al Mar y Bareyo, al oeste con Marina de Cudeyo, al sur con Entrambasaguas y al este cola Hazas de Cesto, Meruelo y Solórzano.

El conceyu inclúi les siguientes llocalidaes nel so términu municipal:

Anero, 464 habitantes en 2008 (INE).
Cubes, 203 hab.
Hoz de Anero (capital), 653 hab.
Liermo, 25 hab.
Omoño, 182 hab.
Las Pilas, 53 hab.
Pontones, 166 hab.
Villaverde de Pontones, 334 hab.

El paisaxe de Ribamontán al Monte ta apoderáu poles praderíes y pol ríu Pontones, que naz nel interior del conceyu. Económicamente, ta sofitáu nel sector primariu, agricultura y ganadería, ente que'l sector servicios va consolidándose firmemente con casi la metá de la población emplegada nél.

El conceyu perteneció a la Xunta de Ribamontán, una de les que formaben la Merindad de Trasmiera. La posición a mediu camín ente Santander y Laredo fixo recayer nél la "capitalidad" de la merindad, y por tanto llugar de xuntes de les Xuntes Xenerales de la Merindad, concretamente nel llugar de Hoz de Anero. Como nel restu de la contorna trasmerana, Ribamontán al Monte foi trubiecu de prestixosos maestros de la cantería representantes del tardogótico, del clasicismu y del barrocu.

Polo qu'a patrimoniu arqueolóxicu respecta, el xacimientu de La Garma, en Omoño, ye unu de los xacimientos prehistóricos más importantes de la Península Ibérica, pos tien restos d'actividá humana dende'l Paleolíticu Inferior hasta la Edá Media.

En cuanto al patrimoniu históricu, cabo destacar como representante del periodu góticu les ilesies de Santa María de Toraya, San Félix de Anero y Santa María de les Piles, amás d'arquiteutura civil como'l Palaciu de Arco-Agüero; el Palaciu de la Rigada, güei Santu Desiertu de San José de la Rigada (conventu de los Carmelites), o'l Palaciu de los Mazarrasa, en Villaverde de Pontones, dambos de los sieglos XVII y XVIII.

Nes pedaníes

Dos son los bienes d'interés cultural d'esti conceyu:

Edificiu “El Desiertu” en Hoz de Anero, con categoría de monumentu.
Cueva de “La Garma” en Omoño, con categoría de zona arqueolóxica, y que forma parte del Llugar Patrimoniu de la Humanidá, llamáu Cueva d'Altamira y arte rupestre del norte d'España.

Amás, cuenta con dos bienes d'interés local:

Casa-palaciu de los Mazarrasa, la torre de Corina y los xardinos y Parque en Villaverde de Pontones.
Palaciu de Arcó, tamién en Villaverde de Pontones.

Y un Bien inventariáu, la Casona de Ceballos, cola so Capiya y portalada en Cubes.

Evolución demográfica
1900	1910	1920	1930	1940	1950	1960	1970	1980	1990	2000	2007
2.132	2.111	2.273	2.552	2.771	2.873	2.514	2.358	2.144	2.141	1.991	2.065

Fonte: INE

Gráfica d'evolución demográfica de Ribamontán al Monte ente 1988 y 2008

Gráfica d'evolución demográfica de Ribamontán al Monte ente 1900 y 2000

José Luis Blanco Fomperosa (PP) foi l'alcalde del conceyu los dos últimes llexislatures (2007 y 2011). El Partíu Popular perdió la mayoría absoluta nes eleiciones municipales de 2015. Les siguientes tables amuesen los resultaos de les eleiciones municipales celebraes nel añu 2007, 2011 y 2015.^[2]