From Wikipedia, the free encyclopedia
La República Cispadana (n'italianu: Repubblica Cispadana) foi una «república hermana», un estáu satélite de la Primer República Francesa asitiáu nel norte d'Italia. Esistió ente 1796 y 1797, cuando sumió pa fundise cola República Transpadana y dar orixe a la República Cisalpina.
| |||||
|---|---|---|---|---|---|
| estáu desapaecíu | |||||
| |||||
| Alministración | |||||
| Llingües oficiales | italianu | ||||
| Xeografía | |||||
| Coordenaes | 44°29′42″N 11°20′33″E | ||||
 | |||||
 | |||||
Mientres la Guerra de la Primer Coalición, en marzu de 1796, Napoleón Bonaparte foi nomáu comandante en xefe del exércitu francés nel frente italianu, onde los franceses llevaben lluchando dende 1792 contra tropes austriaques y piamonteses de la Primer Coalición. Nuna esitosa serie de campañes relámpago, Napoléon invadió y ganó a El Piamonte n'abril y darréu venció a les tropes austriaques conquistando a lo llargo de 1796 el Ducáu de Milán y el Ducáu de Mantua, so soberanía austriaca. Darréu invadió los Estaos de la Ilesia y conquistó la rexón d'Emilia-Romaña. A midida que les tropes franceses avanzaben per suelu italianu, declaraben eslleíu l'orde feudal presistente y sofitaben a los republicanos locales.
El Ducáu de Módena, colindante colos Estaos de la Ilesia, viose de la mesma somorguiáu na marea revolucionaria que traxeron los franceses, de tala forma que los republicanos locales derrocaron al gobiernu ducal n'agostu de 1796.
Les ciudaes de Módena y Reggio (asitiaes dambes nel Ducáu de Módena), según les ciudaes de Boloña y Ferrara, pertenecientes hasta entós a los Estaos de la Ilesia, proclamáronse ciudaes estáu republicanes. El 16 d'ochobre de 1796 celebraron un congresu na ciudá de Módena, onde decidieron xunise pa formar la Federazione Cispadana. El congresu foi entamáu de forma non oficial por Napoleón, que precisaba estabilizar la situación política nel norte d'Italia y consiguir más tropes que se xunieren al so exércitu na campaña que llevaba a cabu contra los austriacos. El congresu proclamó n'avientu que los cuatro provincies cispadanas (Módena, Reggio, Bolonia y Ferrara) constituyérense na República Cispadana y convidó a otros pueblos y ciudaes italianes a xunise a ella.
Formóse una guardia ciudadana formada por cuerpos de cazadores y artillería. La fundación oficial de la República Cispadana, según el modelu del Directoriu francés, nun se produció de manera oficial hasta'l congresu de Reggio del 27 d'avientu de 1796 al 9 de xineru de 1797, nel que s'axuntaron los representantes de les cuatro ciudaes. El 7 de xineru de 1797 na sala del Archivu Ducal de Reggio el congresu decidió establecer un gobiernu común. La bandera escoyida foi una tricolor horizontal colos colores coloráu, blancu y verde.
En febreru de 1797 producióse la derrota definitiva de los austriacos na rexón al cayer la plaza fuerte de Mantua. Esta conquista francesa dexó garantizar unes comunicaciones segures ente les ciudaes cispadanas y la vecina República Transpadana que se fundara unos meses antes al norte del ríu Po. El 29 de xunu de 1797, la República Cispadana foi refundada como República Cisalpina. Unos díes más tarde, el 9 de xunetu de 1797, lo que quedaba de la República Transpadana integróse tamién na República Cisalpina.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
