From Wikipedia, the free encyclopedia
María del Pilar Fernández Pardo (3 de payares de 1959, Madrid) ye una médicu y política española. Senadora per Asturies na VIII Llexislatura y Diputada al Congresu pola mesma circunscripción na IX.[1]
Pilar Fernández Pardo | |||||
|---|---|---|---|---|---|
 | |||||
26 marzu 2008 - 27 setiembre 2011 Distritu: Asturies Eleiciones: eleiciones xenerales d'España de 2008
| |||||
| Vida | |||||
| Nacimientu | Madrid, 3 de payares de 1959 (65 años) | ||||
| Nacionalidá |
 España | ||||
| Estudios | |||||
| Estudios |
Universidá de Salamanca 1984) medicina Universidá Nacional d'Educación a Distancia 1998) derechu | ||||
| Llingües falaes | castellanu | ||||
| Oficiu | médica, política | ||||
| Llugares de trabayu | Madrid | ||||
| Creencies | |||||
| Partíu políticu | Partido Popular | ||||
 | |||||
Casada, con dos fíos, Pilar Fernández Pardo ye llicenciada en Medicina y Ciruxía pola Universidá de Salamanca (promoción de 1984) y en Derechu pola Universidá Nacional d'Educación a Distancia (promoción de 1998). Ye miembru de l'Asociación Española de Derechu Sanitariu y miembru del conseyu d'alministración de la sociedá pública Xixón al Norte. En 2005 foi nomada Patrona d'Honor de la Fundación Caveda y Nava.
Foi presidenta del Partíu Popular de Xixón y vicepresidenta del Partíu Popular d'Asturies.
Foi conceyal del Conceyu de Xixón ente 1999 y 2013, y voceru del Partíu Popular dende 2003. Como conceyal, foi voceru de mediu ambiente y sanidá, de 1999 a 2003, y formó parte de les comisiones d'urbanismu ya infraestructures y facienda dende 2003.
Ye diputada en Cortes Xenerales dende 2008, siendo la diputada del Partíu Popular per Asturies más activa no que va d'IX llexislatura (hasta setiembre de 2010) de los ocho representantes d'Asturies, atropando 2.672 iniciatives; en concretu 2.626 entrugues per escritu, 34 entrugues orales y 12 solicitúes d'informes. Ye vocal de la Comisión de Política Territorial, secretaria segunda de la Comisión de Sanidá, Política Social y Consumu, amás de vocal de la Comisión non permanente pal siguimientu y evaluación acuerdo Apauto de Toledo. Dende'l 01/09/2008 al 19/10/2009 foi vocal de la Comisión d'Alministraciones Públiques, y dende el 05/05/2008 al 19/10/2009 secretaria segunda de la Comisión de Sanidá y Consumu.
Foi Senadora en Cortes Xenerales ente 2004 y 2008. Presentó numberoses iniciatives.,[2] siengo miembru de les Ponencies pa informar del Proyeutu de Llei pola que se modificar el Códigu Civil en materia de derechu a contraer matrimoniu del Proyeutu de Llei pola que se regula l'estatutu del miembru nacional de Eurojust y les rellaciones con esti órganu de la Unión Europea, del Proyeutu de Llei de garantíes y usu racional de les melecines y productos sanitarios, del Proyeutu de Llei Orgánica pola que se modificar la Llei Orgánica 5/2000, de 12 de xineru, reguladora de la responsabilidá penal de los menores, y del Proyeutu de Llei de proteición de los consumidores na contratación de bienes con ufierta de restitución del preciu. Foi vicepresidenta segunda na Comisión de Xusticia (06/06/2007 al 15/01/2008), secretaria segunda na Comisión de Xusticia (24/06/2004 al 30/05/2007), vocal na Comisión de Xusticia (22/06/2004 al 24/06/2004), vocal na Comisión de Xusticia (30/05/2007 al 06/06/2007), vocal na Comisión de Mediu Ambiente (12/05/2004 al 13/09/2004), vocalen la Comisión de Sanidá y Consumu (12/05/2004 al 15/01/2008), vocal na Comisión conxunta de la Comisión d'Educación y Ciencia y de la Comisión de Sanidá y Consumu (05/04/2005 al 15/01/2008), vocal na Comisión conxunta de la Comisión de Sanidá y Consumu y de la Comisión de Trabayu y Asuntos Sociales (07/06/2005 al 15/01/2008), y vocal na Comisión Mista pal Estudiu del Problema de les Drogues (27/05/2004 al 15/01/2008).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.svg){kind=small}
