Les especies d'aves con nome común en llingua asturiana márquense como NOA. En casu contrariu, conséñase'l nome científicu.
El picaflor[2] (Pyrrhula pyrrhula) ye una especie d'ave paseriforme de la familia de los frinxílidos (Fringillidae). Ye un de los paseriformes más estendíos por Europa y el Asia de clima templáu. La so coloración ye inconfundible: mientres la fema tien colores más apagaos, el machu lluz un plumaxe acoloratáu nel pechu. Nun s'atopa amenazáu y cuenta con poblaciones d'ente quince y ventiocho millones d'exemplares n'Europa.[1]
Pyrrhula pyrrhula picaflor  | ||
|---|---|---|
 | ||
| Estáu de caltenimientu | ||
 Esmolición menor (IUCN)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Passeriformes | |
| Familia: | Fringillidae | |
| Xéneru: | Pyrrhula | |
| Especie: |
P. pyrrhula (Linnaeus, 1758) | |
| Distribución | ||
 | ||
| Consultes | ||
| [editar datos en Wikidata] | ||
Taxonomía
Tien descrites ente 10 y 12 subespecies:[3]
- P. p. caspica Witherby, 1908 - Norte y nordeste d'Irán.
- P. p. cassinii Baird SF, 1869 - Península de Kamchatka, islla Paramushir, y mariña del mar de Okhotsk.
- P. p. cineracea Cabanis, 1872 - Montes Sayanes, montes Altai y Manchuria.
- P. p. europoea Vieillot, 1816 - Europa central.
- P. p. griseiventris Lafresnaye, 1841 - Este de Manchuria, Sakhalin, islles Kuriles, Honshu, Xapón.[4][5]
- P. p. iberiae Voous, 1951 - Norte de la Península Ibérica.[4][5]
- P. p. murina Godman, 1866 - Islla de São Miguel (Azores). N'ocasiones tratada como una especie estreme.[6]
- P. p. paphlagoniae Roselaar, 1995 - Non reconocida por toles fontes.[7]
- P. p. pileata MacGillivray, 1837 - Islles Britániques.
- P. p. pyrrhula (Linnaeus, 1758) - Dende'l norte d'Euorpa al oeste de Mongolia, invernante nel sur d'Europa ya Irán.
- P. p. rosacea Seebohm, 1882 - Non reconocida por toles fontes.[7]
- P. p. rossikowi Derjugin & Bianchi, 1900 Oeste de Turquía, Cáucasu y nordeste d'Irán.
La taxonomía foi descrita en 2001 por Arnaiz-Villena et al. Toles especies del xéneru Pyrrhula tienen un ancestru común: el Pinícola enucleator o Picotón de los Pinos[4][5]
Descripción
Ye un frinxílidu grande, mide ente 15 y 17,5 cm. Tien una forma arrondao y compacto, con un picu negru, curtiu y robezu, afechu al so tipu d'alimentación.[8]
El so plumaxe ye azuláu pol envés, con un obispillo blancu, ales y cola negres, banda alar blanca y el pileu negru. Na coloración del banduyu, pechu y gargüelu estrémense dambos sexos; nel machu ye d'un llamativu color anaranxáu y na fema ye d'un color parduzo muncho más discretu. Tamién l'azul del envés ye más apagáu na fema. Los xuveniles son de coloríu similar al de la fema, anque ensin el negru na cabeza de los adultos.[8]
Tien un vuelu rápidu y ondulante.[8]
Comportamientu
Habita en montes mistos que tengan un sotobosque ricu. Aliméntase de granes, biltos y n'ocasiones d'inseutos. Silenciosu y tranquilu, arrexúntase en pareyes o pequeños grupos pocu cohesionados.[8]
Referencies
Enllaces esternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
