La persona gramatical ye una traza gramatical qu'espresa una rellación de les persones o coses referenciaes nun actu de fala con esi actu. Típicamente estrema la primer persona, que ye l'emisor del actu de fala, la segunda persona, que ye'l receptor (quien escucha), y la tercer persona, que ye cualesquier que nun sía nin emisor nin receptor del actu (de quien se fala). La persona gramatical pue reflexase en diverses clases gramaticales; por casu n'castellán afecta al verbu, a los pronomes personales, a los posesivos, y en cierta midida a los demostrativos.
Esta traza regula la forma deíctica concreta necesaria pa desambiguar qué papel ocupen el falante, l'oyente o otru interviniente al respective de la predicación. Dende un puntu de vista formal la persona gramatical pue ser tratada con una traza gramatical.
Sistemes pronominales
Les categoríes gramaticales qu'estremen persona, como'l pronome personal y posesivo y en delles llingües el verbu tienen xeneralmente un mínimu de trés formes estremaes, que la gramática tradicional acomuña a trés persones o valores de la traza de persona gramatical, que se llamen xeneralmente primer, segunda y tercer persona (en delles llingües puede argumentase de fechu la esistencia d'un valor adicional). Sicasí, el númberu de formes pronominales y marques rellacionaes cola persona pue ser mayor si amás nel pronome estrema formes según el númberu gramatical y el xéneru gramatical.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
