Península de Taimyr
From Wikipedia, the free encyclopedia
Remove ads
La península de Taimyr (rusu: Полуостров Таймыр, Таймырский полуостров) ye una gran península de Siberia que forma la parte más septentrional del continente asiáticu. Atópase delimitada peles agües del golfu del Yeniséi, al oeste; les del mar de Kara, al norte; y les del golfu de Játanga del mar de Láptev, al este; al sur, la so llende continental ta formáu pol cursu del ríu Játanga.
Remove ads
Alministrativamente, tola península pertenez al Krai de Krasnoyarsk de la Federación de Rusia.
La península ye últimu llugar natural conocíu onde habitó'l güe almizcleru fuera d'América del Norte.[1]Fueron reintroducíos con ésitu en 1975.[2]
Na península escurren dellos ríos importantes que desaguan direutamente al mar de Kara, como'l ríu Taimyr o'l ríu Piassina.
Remove ads
Población
L'allugamientu aislláu del pueblu Nganasan dexó-yos caltener les práutiques xamániques, inclusive hasta'l sieglu XX.[3]
Economía
La compañía MMC Norilsk Nickel lleva a cabo operaciones mineres na zona, con una fundición na ciudá de Norilsk, cerca de la península. El concentráu de mineral de níquel y otros productos de la compañía son tresportaos nun curtiu ferrocarril a la ciudá portuaria de Dudinka, a veres del ríu Yeniséi, y dende ellí por barcu escontra Múrmansk y otros puertos.
Fauna y flora
Nel norte de Siberia, la fauna y la flora tienen solamente un periodu de dos meses al añu pa garantizar la so reproducción. Cada branu, el sol de medianueche xunta ensames d'especies. Los renos emigren y xáciense con millares d'osos polares y foques. De la mesma, aves d'Europa, África y Asia van a Taimyr, la mayor concentración d'aves selvaxes del mundu.
Esta zona ye una ecorrexón de la ecozona paleártica de la World Wide Fund for Nature, la «Tundra de Siberia Central y península de Taimyr».
Referencies
Referencies
Enllaces esternos
Wikiwand - on
Seamless Wikipedia browsing. On steroids.
Remove ads