Los pelecaniformes son un orde d'aves neognatas de vezos acuáticos, medianes y grandes, de distribución mundial. El grupu foi bautizáu pol nome llatín del pelícanu «Pelecanus», y por ello'l nome d'esti orde significa «los que tienen forma de pelícanu». Tienen pates con cuatro dedos del pie palmotiaos (membrana interdixital). La mayoría tien un parche nel gargüelu de piel desnudo (parche gular). Aliméntense principalmente de pexes, calamares, especies marines polo xeneral. Añeren en colonies, son aves monógames, los pitucos son nidícolas xeneralmente.
Taxonomía
La taxonomía de los pelecaniformes ye revesosa y nun hai alcuerdu nes families que tienen d'incluyise nesti orde. La taxonomía tradicional ye dafechu distinta de l'aceptada anguaño pola mayoría.
Families tradicionales
Tradicionalmente ente los pelecaniformes incluyíense les siguientes families:[1]
- Pelecanidae - pelícanos;
- Sulidae - alcatraces;
- Phalacrocoracidae - mabees;
- Fregatidae - fragates;
- Anhingidae - aves serpiente;
- Phaethontidae - rabijuncos;
- Plotopteridae †.
Les investigaciones más recién indiquen que les semeyances ente estes families son la resultancia de la evolución converxente en llugar de por tener ancestros comunes, y por ello'l grupu asina definíu yera polifilético. Les families Fregatidae, Sulidae, Phalacrocoracidae y Anhingidae fueron treslladaes a Suliformes y Phaethontidae al so propiu orde Phaethontiformes.[2]
Filoxenia actual
Na actualidá l'orde Pelecaniformes inclúi les siguientes families:[3]
- Pelecanidae - pelícanos;
- Balaenicipitidae - picozapato;
- Scopidae - ave martiellu;
- Ardeidae - garces y allegaes;
- Threskiornithidae - ibis y espátules.
Referencies
Ver tamién
Enllaces esternos
Wikiwand - on
Seamless Wikipedia browsing. On steroids.
