Océanu Pacíficu

L'océanu Pacíficu ye la mayor de les divisiones oceániques de la Tierra. Estiéndese dende l'océanu Glacial Árticu al norte hasta l'océanu Glacial Antárticu (o, según les definiciones, hasta L'Antártida) al sur, y ta arrodiáu per Asia y Australia al oeste y por América al este.

Océanu Pacíficu
Situación
División alministrativa	Alta mar
Tipu	océanu
Parte de	Océanu Mundial
Coordenaes	0°N 160°W
Datos
Altitú media	0 m
Superficie	161 760 000 km²[1]
Fondura	11 034 m (máximu) 4280 m (media)

Con una estensión de 165,25 millones de km², esta subdivisión del Océanu Mundial -y, por tanto, de la hidrosfera- cubre'l 46% de la superficie acuática de la Tierra y alredor del 33% de la so superficie total, siendo, poro, mayor que la suma de toles mases de tierra del planeta. L'ecuador sodivídelu en océanu Pacíficu Norte y océanu Pacíficu Sur, con dos esceiciones: les islles Galápagos y Gilbert, que s'estienden al norte y al sur d'elli, considérense parte del Pacíficu Sur^[2] La fuexa de les Marianes, na fastera occidental del Pacíficu Norte, ye'l puntu más fondu de la superficie terrestre, llegando hasta los 10.911 m de fondura^[3].

Los primeros occidentales qu'avistaron l'océanu Pacíficu ficiéronlo a entamos del sieglu XVI, cuando l'esplorador español Vasco Núñez de Balboa cruzo l'ismu de Panamá en 1513 y descubrió lo qu'elli llamó Mar del Sur. El nome actual dió-ylu l'esplorador portugués Fernandu de Magallanes demientres la espedición española que circunnavegó'l mundu en 1521. Dempués de bordear el cabu de Fornos alcontró vientos favorables al aportar a mar abiertu, y poro decidió llamar Mar Pacíficu al océanu que travesaba^[4].

Referencies

1. «Volumes of the World's Oceans from ETOPO1».
2. International Hydrographic Organization (1953). Limits of Oceans and Seas (3rd ed.). Montecarlu (Mónacu)
3. Japan Atlas: Japan Marine Science and Technology Center.
4. Biografía de Fernando de Magallanes na Catholic Encyclopedia (n'inglés).

Enllaces esternos

• Wikimedia Commons acueye conteníu multimedia sobre Océanu Pacíficu.
• (n'inglés) Map South Pacific
• (n'inglés) Pacific Pictures

Los cinco océanos de la Tierra

Océanu Atlánticu Océanu Glacial Antárticu Océanu Glacial Árticu Océanu Índicu Océanu Pacíficu

• Datos: Q98
• Multimedia: Pacific Ocean