Pío Baroja

Pío Baroja y Nessi (28 d'avientu de 1872, Donostia – 30 d'ochobre de 1956, Madrid) foi un escritor español de la nomada Xeneración del 98. Foi hermanu del pintor y escritor Ricardo Baroja y tíu del antropólogu Julio Caro Baroja y del direutor y guionista de cine Pío Caro Baroja.

Pío Baroja
Vida
Nacimientu	Donostia[1], 28 d'avientu de 1872[2]
Nacionalidá	España [3]
Residencia	Madrid
Muerte	Madrid, 30 d'ochobre de 1956[2] (83 años)
Sepultura	Cementerio Civil de Madrid (es) Cementerio Civil de Madrid (es)
Causa de la muerte	enfermedá cardiovascular
Familia
Padre	Serafín Baroja
Hermanos/es	Carmen Baroja Ricardo Baroja (es)
Familia	ver Julio Caro Baroja (sobrín) Pío Caro Baroja (sobrín)
Estudios
Estudios	Universidá Central doctoráu : medicina
Llingües falaes	castellanu[4]
Oficiu	escritor, médicu-escritor, novelista, dramaturgu, médicu, poeta, panaderu
Miembru de	Real Academia Española
Movimientu	Generación del 98 (es)
IMDb	nm0056179

Obres

L'autor vascu, anque fizo ensayu, teatru, poesía, cuentu y delles biografíes, centró la so obra nel principal xéneru narrativu de la dómina, la novela. Escribió munches, y agrupó les principales d'elles en nueve triloxíes y una tetraloxía, que son les que vienen darréu:

• Tierra vasca axunta La casa de Aitzgorri: novela en siete jornadas (1900), El mayorazgo de Labraz (1903) y Zalacaín el aventurero (1909). Dellos autores consideren que La leyenda de Jaun de Alzate (1922) ye tamién parte d'esti grupu.
• La vida fantástica ta formada por Aventuras, inventos y mixtificaciones de Silvestre Paradox (1901), Camino de perfeición (pasión mística) (1901) y Paradox rey (1906).
• La lucha por la vida inclúi La busca, Mala hierba y Aurora Roja, escrites nel añu 1904.
• El pasado agrupa La feria de los discretos (1905), Los últimos románticos (1906) y Las tragedias grotescas (1907).
• La raza inclúi La dama errante (1908), La ciudad de la niebla (1909) y El árbol de la ciencia (1911).
• Las ciudades ta formada por César o nada (1910), El mundo es ansí (1912) y La sensualidad pervertida: ensayos amorosos de un hombre ingenuo en una época de decadencia (1920).
• El mar ye una tetraloxía formada por Las inquietudes de Shanti Andía (1911), El laberinto de las sirenas (1923), Los pilotos de altura (1929) y La estrella del capitán Chimista (1930).
• Agonías de nuestro tiempo agrupa El gran torbellino del mundo, Las veleidades de la fortuna y Los amores tardíos, escrites en 1926 y asoleyaes en feches diverses (la cabera d'elles en 1942).
• La selva oscura inclúi La familia de Errotacho (1931) y El cabo de las tormentas y Los visionarios, escrites dambes en 1932.
• La juventud perdida inclúi Las noches del Buen Retiro (1934), Locuras de carnaval (1935) y El cura de Monleón (1936).

Hai, amás d'elles, munches otres noveles. En ventidós d'elles, que formen les Memorias de un hombre de aición, desarrolla les aventures que, nel sieglu XIX, viviera un antepasáu suyu lliberal y masón, Eugenio de Avinareta. Y hai otres, escrites nos caberos años de la so vida, que nun s'agrupen en triloxíes específiques y que, poro, conócense como Novelas sueltas. Son, ente más otres, Susana y los cazadores de moscas (1938), Laura o la soledad sin remedio (1939), El caballero de Erlaiz (1943), El puente de las ánimas (1944), El hotel del Cisne (1946) y El cantor vagabundo (1950).

Bibliografía

Los estudios sobro esti autor, ún de los principales novelistes españoles del sieglu XX, son munchos. Destaquen, ente la bayura d'ellos, los que vienen darréu:

• Alarcos Llorach, E. 1973. Anatomía de «La lucha por la vida». Uviéu.
• Arregui Zamorano, M. T. 1998. Estructuras y técnicas narrativas en el cuento literario de la generación del 98: Unamuno, Azorín y Baroja. Pamplona.
• Baeza, F. (ed.). 1961. Baroja y su mundo, 3 vols. Madrid.
• Caro Baroja, J. 1973. Los Baroja. Madrid.
• Caro Baroja, P. 1987. Guía de Pío Baroja. El mundo barojiano. Madrid.
• Cipliajauskaite, B, 1972, Baroja, un estilo, Madrid, Ínsula.
• Cueto Pérez, Magdalena, 1985, Aspectos sistemáticos en la narrativa de Pío Baroja: El árbol de la Ciencia. Uviéu, Universidá d'Uviéu.
• del Moral, C. 1974. La sociedad madrileña fin de siglo y Baroja. Madrid.
• Elizalde, I. 1975. Personajes y temas barojianos. Bilbao.
• González López, E. 1972. El arte narrativo de Pío Baroja en las trilogías. Nueva York.
• Iglesias, C. 1963. El pensamiento de Pío Baroja. Méxicu.
• Navarro, K. 2006. Pío Barojaren Donostia. Irún.
• Sánchez-Ostiz, Miguel, 2000.Derrotero de Pío Baroja Irún, Alberdania.
• Sánchez-Ostiz, Miguel, 2006.Pío Baroja, a escena Madrid, Espasa-Calpe.
• Sánchez-Ostiz, Miguel, 2007.Tiempos de tormenta. Pío Baroja 1936–1941, Pamplona, Pamiela.

• Wikimedia Commons tien conteníu multimedia tocante a Pío Baroja.

Referencies

1. Afirmao en: Gemeinsame Normdatei. Data de consulta: 11 avientu 2014. Llingua de la obra o nome: alemán. Autor: Biblioteca Nacional d'Alemaña.
2. Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
3. Afirmao en: LIBRIS. Identificador de Libris: dbqssgcx4mzcz8c. Data d'espublización: 26 marzu 2018. Data de consulta: 24 agostu 2018. Editorial: Biblioteca Nacional de Suecia.
4. Afirmao en: autoridaes BNF. Identificador BnF: 11885704v. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

Enllaces esternos

• Wikimedia Commons acueye conteníu multimedia sobre Pío Baroja.
• Pío Baroja na Internet Movie Database (n'inglés)
• Pío Baroja en FilmAffinity (castellán)
• «Pío Baroja». en Find a Grave. (n'inglés)
• Obres de Pío Baroja nel Proyeutu Gutenberg

• Datos: Q220980
• Multimedia: Pío Baroja
• Cites famoses: Pío Baroja
• Testos: Autor:Pío Baroja