La meteoroloxía (del griegu μετέωρον (meteoron): ‘altu nel cielu’, meteoro; y λόγος (logos): ‘conocimientu,’) ye la ciencia interdisciplinaria, fundamentalmente una rama de la Física de l'atmósfera, qu'estudia el estáu del tiempu, el mediu atmosféricu, los fenómenos producíos nelli y les lleis que lu dirixen.[1] Ye una de les rames de las ciencies atmosfériques (les otres son la química de l'atmósfera y la física de l'atmósfera), y centra'l so interés na predicción del tiempu. L'estudiu de la meteoroloxía remóntase dellos milenios nel tiempu, magar que los progresos más importantes nun entamaron hasta'l sieglu XVIII. Nel sieglu XIX, de resultes de la formación de redes d'observación del tiempu en delles rexones del mundu, el conocimientu meteorolóxicu conoció un desarrollu, magar que modestu. Los primeros intentos de predicción del tiempu dependíen de los datos históricos conocíos, y nun ha ser hasta'l descubrimientu de les lleis de la física y, especialmente, hasta'l desarrollu del ordenador na segunda metá del sieglu XX, que permitió dar solución automática a les milenta ecuaciones que formen los modelos de predicción del tiempu, que s'algamaran avances importantes na predicción. Una rama importante de la predicción ye la predicción del tiempu nel mar, perimportante pa la seguridá de les fasteres costeres y la navegación, que ye más complicada pola interacción atmosférica coles grandes mases d'agua.
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| Meteoroloxía | |
|---|---|
| rama de la ciencia y disciplina académica | |
Ciencies de la Tierra y aerología (es)  | |
 | |
 |
Los fenómenos meteorolóxicos son los socesos rellacionaos col tiempu que pueden ser desplicaos pola meteoroloxía. Estos descríbense y cuantifíquense a partir de delles variables de l'atmósfera terrestre, como la temperatura, la presión del aire, la cantidá de vapor d'agua, les mases de fluxu y les interacciones y variaciones, xeográfiques y temporales, d'eses variables.
La meteoroloxía, como dixéramos, ye una de les ciencies atmosfériques, y los sos estudios son d'interés y aplicación en diversos campos: militar, de producción d'enerxía, tresporte, agricultura, construcción...
Referencies
Enllaces esternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
