Martin Kove

Martin Kove (6 de marzu de 1946, Brooklyn) ye un actor y productor d'Estaos Xuníos. D'ascendencia xudía, Kove tuvo una sólida formación actoral que lo llevó a trabayar nel teatru, depués na televisión en pequeños papeles y dar finalmente'l so reblincón al cine.

Martin Kove
Vida
Nacimientu	Brooklyn, 6 de marzu de 1946 (79 años)
Nacionalidá	Estaos Xuníos
Llingua materna	inglés
Familia
Fíos/es	Jesse Kove
Estudios
Estudios	Valley Stream Central High School (en)
Llingües falaes	inglés
Oficiu
Oficiu	actor, actor de cine, actor de televisión, karateka, productor de cine
IMDb	nm0184392

Martin Kove en 2015.

Carrera

Dientro del terrén marcial Kove tien petrines negres en Karate, Kenpo y Kendo. Amás de entrenar Artes Marciales, Kove practica dellos deportes y entrena con peses como complementu. El so primer papel nel cine foi na película Little Murders en 1971. A partir d'esi momentu nun dexó de trabayar en cine. En 1972 llogró un pequeñu papel en The Last House on the Left, más tarde trabayó na película Savages. En 1973 Kove llogró un papel d'aición en Cops and Robbers. Depués en 1975 actuó en The Wild Party, en White Line Fever y en Death Race 2000. En 1977 Martin Kove actuó en The White Buffalo. Al añu siguiente trabayó nel L'increíble Hulk protagonizada por Lou Ferrigno que yera l'orixinal Hulk de la serie televisiva.

Pero'l so papel más reconocíu nel cine y na so carrera polo xeneral, llegó-y en 1984 como'l villanu sensei John Kreese (nuna película aparentemente ensin munches pretensiones), Karate Kid, protagonizada por Ralph Macchio y Pat Morita. El papel de Kove yera'l d'instructor de la escuela de Karate Cobra Kai, entrenador de los mozos que-y faen la vida imposible coles sos constantes palices a Daniel Larusso (Ralph Macchio). La película foi un ésitu total y los actores pasaron a ser reconocíos poles grandes audiencies del mundu enteru. El so esitosu trabayu en Karate Kid dexó-y adquirir meyores papeles y llograr más propuestes llaborales dientro del cine.

En 1985 llogró un papel en Rambo: First Blood Part II xunto a Sylvester Stallone, siempres d'antagonista. En 1986 volvió interpretar el papel que-y dio fama, el de John Kreese en Karate Kid II onde tuvo una pequeña participación al empiezu de la película. Al añu siguiente actuó na película Steele Justice que nun tuvo enforma ésitu. En 1989 volvió cola tercer parte de Karate Kid III compartiendo'l so rol de villanu xunto a Ian Griffith y siendo xunto a Morita y Macchio, los únicos que participaron na saga completa de la triloxía. Esi mesmu añu protagonizó la serie televisiva Hard Time on Planet Earth alrodiu de un militar estraterrestre que tien una misión na Tierra, usurpando un cuerpu terrícola pa sobrevivir (el so nome yera Jessie), pasando mil peripecies y aventures na Tierra, la serie tenía aición y humor y tuvo la duración d'un añu.

En 1992, Kove foi'l villanu de la película Shootfighter: Fight to the Death protagonizada pol míticu actor d'artes marciales chinu: Bolo Yeung n'unu de los sos primeros papeles como protagonista. En 1994 actuó en Wyatt Earp, depués en 1996 trabayó en Oveya negra y en Timelock. En 1998 Kove actuó na película Nowhere Land.

Nel sieglu XXI prosiguió'l so trabayu en Crocodile 2: Death Swamp, al añu siguiente actuó na película pa TV Hard Ground. Tamién trabayó en Curse of the Forty Niner y en Barbarian. En 2004 Kove actuó en Glass Trap y al añu siguiente en Miracle at Sage Street. Los últimos años dedicóse más a la producción volviendo en 2009 con Savage y na película pa TV War Wolves.

La filmografía de Martin Kove cunta con más de 30 películes, en dellos xéneros como aición, comedia, western, drama y Artes Marciales, munches de clase B, siendo'l so mayor ésitu'l papel de John Kreese el villanu sensei en Karate Kid.

Filmografía

Como actor

• Little Murders (1971)
• The Last House on the Left (1972)
• Women in Revolt (1972)
• Savages (1972)
• Cops and Robbers (1973)
• The Wild Party (1975)
• White Line Fever (1975)
• Death Race 2000 (1975)
• The White Buffalo (1977)
• The Incredible Hulk (1978)
• Blood Tide (1982)
• Karate Kid (1984)
• Rambo: First Blood Part II (1985)
• Karate Kid II (1986)
• Steele Justice (1987)
• Karate Kid III (1989)
• Hard Time on Planet Earth (1989)
• Shootfighter: Fight to the Death (1992)
• Project Shadowchaser (1992)
• Wyatt Earp (1994)
• Walker Texas Ranger (1995)
• Black Sheep (1996)
• Timelock (1996)
• Nowhere Land (1998)
• Under Heavy Fire (2001) (TV)
• Crocodile 2: Death Swamp (2002)
• Hard Ground (2003) (TV)
• Curse of the Forty-Niner (2003)
• Barbarian (2003)
• Glass Trap (2004)
• Miracle at Sage Street (2005)
• Max Havoc: Ring of Fire (2006)
• The Dead Sleep Easy (2008)
• I Am Somebody: Non Chance in Hell (2008) (títulu orixinal: Chinaman's Chance)
• Savage (2009)
• War Wolves (2009) (TV)
• Middle Men (2009)
• Tosh.0 (2011) (TV)
• Eternity: The Movie (2013)

Como productor

• Curse of the Forty-Niner (2003)
• Miracle at Sage Creek (2005)