From Wikipedia, the free encyclopedia
MWC 314, tamién conocida cómo BD+14º3887 ó V1429 Aql ye una estrella hiperxigante asitiada na constelación del Águila. Magar que seya una de les estrelles más lluminoses de la Vía Lláctea, ye enforma feble pa poder acolumbrala a güeyu debíu al polvu interestelar qu'esiste ente ella y nós y que l'atenúa notablemente y precisa d'un telescopiu pa la so observación. El so tipu espectral ye B0 y ye una candidata a Variable lluminosa azul (LBV); la so distancia foi envalorada ente 3 y 4,3 quiluparsecs, y la so lluminosidá ye de más de 1 millón de vegaes la del Sol nel primer casu, con una masa de 80 mases solares, y más de 3 millones de vegaes la d'ésti astru nel segundu.
Un estudiu recién amuesa tamién que ye una estrella Be y amás doble; otru amuesa que ta arrodiada por una gran nebulosidá d'aspeutu bipolar.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.