José Luis Cuerda

José Luis Cuerda Martínez (18 de febreru de 1947, Albacete – 4 de febreru de 2020, Madrid)^[5] foi un direutor, guionista y productor de cine español. Como direutor, les sos películes más destacaes son La lengua de las mariposas, adautación d'un rellatu de Manuel Rivas, y la triloxía denominada del «surruralismu», compuesta por Total, Amanece, que no es poco y Así en el cielo como en la tierra. Trátase, según el mesmu Cuerda, de «una retorcedura de la realidá que sigue siendo realidá». Nel so papel de producción, foi'l primer productor y en ciertu mou descubridor d'Alejandro Amenábar.^[6]

José Luis Cuerda
Vida
Nacimientu	Albacete, 18 de febreru de 1947[1]
Nacionalidá	España
Muerte	Madrid, 4 de febreru de 2020[2] (72 años)
Causa de la muerte	embolia arterial (es)
Estudios
Llingües falaes	castellanu
Oficiu	direutor de cine, guionista, productor de cine, escritor, actor
Emplegadores	Universidá de Salamanca
Trabayos destacaos	Amanece, que no es poco La lengua de las mariposas El bosque animado (es) Así en el cielo como en la tierra (es) La marrana (es) Total (es) La viuda del capitán Estrada (es) La educación de las hadas (es) Los girasoles ciegos (es)
Premios	ver Medaya d'Oru al Méritu nes Belles Artes Medaya d'Oru de Castiella-La Mancha Orden Civil de Alfonso X el Sabio  (2020) [3]
Nominaciones	ver Premiu del Cine Européu a la meyor película (1988): El bosque animado (es) [4]
IMDb	nm0191109

Biografía

Siendo neñu ingresó nel seminariu, onde permaneció trés años. Empezó a estudiar la carrera de derechu, qu'abandonó para convertise en téunicu de radiodifusión y televisión.^[6] En 1969 entamó a trabayar en TVE, onde collaboró nos servicios informativos y más tarde pasó a dirixir programes culturales.^[7] En 1977, debutó como direutor de ficción cola adautación para Televisión Española de El túnel, basada na novela d'Ernesto Sabato. Tamién para TVE, realizó en 1977, el llargumetraxe Mala racha, basáu nun guión propiu, trátase d'una película singular, con sorprendente fuercia dramática y emotiva.^[8]

Fora de la televisión, en 1982 dirixó'l so primer llargumetraxe para'l cine Pares y nones, que lo asitió nel ámbitu de los direutores de la llamada «comedia madrilana» (Fernando Colomo ye otru de les sos más importantes representantes). Ente 1985 y 1989 trabayó como profesor na facultá de Belles Artes de la Universidá de Salamanca.

La so siguiente película El bosque animado (1987) va inaugurar na so carrera una nueva etapa carauterizada polo que puede denominase como «humor absurdu». Un añu dempués apaeció'l trabayu que lu consagró como realizador, amás de ser un ésitu de taquilla: Amanece, que no es poco (1988). Con Así en el cielo como en la tierra (1995) completóse una especie de triloxía col humor absurdu como elementu común, que s'empecipiara con Total.

Con La lengua de las mariposas (1999) presenta una visión tienra y escarnada de la Guerra Civil española dende la rellación d'un neñu col so maestru.

Tamién destacó nel so rol de productor cinematográficu, faciendo esti trabayu en dellos de los sos filmes y en trés de los primeros llargumetraxes del director español Alejandro Amenábar (Tesis, Abre los ojos y Los otros); amás de ser el guionista de la mayoría de les sos producciones detrás de cámares.

Pa televisión dirixó la segunda temporada de la serie Makinavaja (1997), basada nel popular personaxe creáu por Ivà. A finales de 2017 empezó'l rodaxe de la so película Tiempo después, estrenada'l 28 d'avientu de 2018.^[9]

Morrió a los 72 años d'una embolia nel Hospital de la Princesa de Madrid.^[10]

Películes como direutor

José Luis Cuerda nel photocall d'Alicia en el país de las Maravillas en 2010.

• 1977 - El túnel (película para Televisión Española basada na novela homónima d'Ernesto Sabato)
• 1977 - Mala racha (película par Televisión Española)
• 1982 - Pares y nones
• 1983 - Total (película para televisión)
• 1987 - El bosque animado (adautación de la novela homónima de Wenceslao Fernández Flórez)
• 1988 - Amanece, que no es poco
• 1991 - La viuda del capitán Estrada
• 1992 - La marrana
• 1993 - Tocando fondo
• 1995 - Así en el cielo como en la tierra
• 1999 - La lengua de las mariposas (basada en rellatos de Manuel Rivas)
• 2000 - Primer amor
• 2004 - Por el mar corre la liebre (cortometraxe incluyíu en ¡Hay motivo!)
• 2006 - La educación de las hadas
• 2008 - Los girasoles ciegos
• 2012 - Todo es silencio
• 2018 - Tiempo después (adautación de la novela homónima del propiu Cuerda)

Obres espublizaes

• Amanece, que no es poco, Pepitas de calabaza, Logroño, 2013. ISBN 978-84-15862-08-6
• Si amaestras una cabra llevas mucho adelantado, Martínez Roca, 2013. ISBN 978-84-27039-83-4
• Tiempo después, Pepitas de calabaza, Logroño, 2015. ISBN 978-84-15862-35-2

Premios

Premios Goya

Añu	Categoría	Película	Resultáu
1988	Meyor película	El bosque animado	Ganador
1988	Meyor direición	El bosque animado	Nomáu
2000	Meyor direición	La lengua de las mariposas	Nomáu
2000	Meyor película	La lengua de las mariposas	Nomáu

Premios Ondas

Añu	Categoría	Película	Resultáu
1999	Meyor direutor	La lengua de las mariposas	Ganador

Premios Feroz

Añu	Categoría	Película	Resultáu
2019	Premiu d'Honor	Trayeutoria profesional	Ganador