Inglés mediu ye'l nome que-y dan los filólogos a les estremaes formes de la llingua inglesa falada n'Inglaterra dempués de la invasión normanda d'Inglaterra por Guillermu'l Conquistador en 1006.
La so principal carauterística ye que ta fecha d'una gran bayura de dialeutos. Demientres esti periodu, el francés yera la llingua oficial del reinu y l'inglés perdió l'esfotu que tuviera enantes. Esto causó un tiempu d'inestabilidá y cambéu. Nun se pudo describir un tipu determinau d'inglés mediu, porque hebo munches formes. Amás foi una evolución que fizo un cambéu sustancial del ingles mediu tempranu al tardiu. Nesti procesu, l'inglés coyó léxicu abondo del dialeutu normandu del francés y les declinaciones del inglés antiguu entamaron a desapaecer convirtiéndose nuna llingua más analítica.
Esti periodu duró hasta mediaos o finales del sieglu XV, cuando l'estandar de la cancillería, una forma d'inglés londinense, entamó a espardese. A esti procesu contribuyeron varios factores. Unu d'ellos foi la introducción de la imprenta n'Inglaterra por William Caxton na década de 1470, otru foi la perda de Normandía, que pasó a manes de la monarquía francesa, fechu que dio-y enfotu al emplegu del inglés que se falaba en Londres ú s'alcontraben les Cortes.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
