Remove ads
Un iglú (Inuktitut iglu / ᐃᒡᓗ, "casa", plural: igluit) o casa de ñeve, ye un abellugu construyíu con bloques de ñeve, que xeneralmente tien forma de cúpula. Los iglúes asóciense davezu colos esquimales, que los usen d'abeyu temporal pa los cazadores demientres l'iviernu.
| Iglú | |
|---|---|
 | |
 |
La ñeve que s'usa pa facer un iglú tien de ser abondo compauta, pa poder tayala y allugala de mena afayaíza. La meyor ye la fallusca que s'alcuentra nuna ceya, darréu que val pa compautala yá entellazar los cristales de xelu. La poza que queda na ñeve, (dempués de sacar los bloques) usase pa la metá inferior del refuxu. El mou de construyilu ye cenciellu, darréu que nun fai falta una cadarma provisional d'afitamientu: cada bloque sofítase nel anterior hasta zarrar tol espaciu.
A vegaes, constrúyese un pequeñu túnel a mou de portalada na entrada, p'amenorgar el vientu y la pérdida de calor, cuando s'abre la puerta. Gracies a les escelentes propiedaes aisllantes de la ñeve, l'interior d'un iglú ye sorprendentemente alcontradizu. Los esquimales que s'alluguen ente Groenlandia y la Islla de Baffin tapecen l'interior del so refuxu con pelleyos d'animales, lo que contribúi a que xuba la temperatura hasta 10 ó 20 graos.
La puerta d'accesu tien d'aldase al aviesu'l vientu (sotaventu).
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads