Felpeyu ye un grupu de música folk d'Asturies y una de les referencies na música asturiana.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Felpeyu | ||
---|---|---|
![]() | ||
Datos xenerales | ||
Orixe |
![]() | |
Información artística | ||
Xéneru(os) | Folk | |
Periodu d'actividá | 1991 - anguaño | |
Miembros | ||
Ruma Barbero | ||
Antiguos miembros | ||
Ígor Medio † | ||
Enllaces esternos | ||
Sitiu web oficial | http://www.felpeyu.com | |
Discogs | 4099105 | |
[editar datos en Wikidata] |
Foi fundáu en 1991 en Salamanca, onde estudiaren Belles Artes los sos miembros fundacionales Ígor Medio y Ruma Barbero. Dende entós, desendolcaron una carrera musical con una bayura d'actuaciones per España, Europa y Australia.
El so primer trabayu discográficu foi'l discu homónimu Felpeyu, editáu en 1994 por Fonoastur. Pa entós, ya habíen espublizáo la maqueta Fuxide oricios (1993) y contribuyeron al recopilatoriu "V Festival de Música Folk Galega" (1993. Edicions Discográficas Galegas). Magar qu'al entamu de la so carrera desenvolvíen un repertoriu con pieces asturianes y gallegues (pola participación de los hermanos Cástor y Félix Castro), Felpeyu centróse col tiempu nos sones más averaos al repertoriu asturianu.
En 1997 apaez el so segundu discu, Tierra (Fonoastur) y enxerten una de les sos pieces del discu Felpeyu nel recopilatoriu Naciones Celtas.
En 2000 asoleyen Live Overseas (Urchin Records), discu en direutu grabáu n'Ourense pa la so xira per Australia. En 2002 espublicen el discu Yá! , el primeru d'ellos con aniciu na propia discográfica de la banda "Tierra Discos".
El 24 de xunu de 2006, el grupu sufre un accidente de tráficu cuando empobinaba dende Asturies pa Cataluña, onde diben ufrir un conciertu. Nel siniestru morrieron los componentes Ígor Medio (voz y buzuki) y Carlos Redondo (guitarra y voz), mientres que'l restu la formación -el bodhraneru Ruma Barbero, el curdioneru Xuan Nel Expósito, los violonistes Lisardo Prieto y Fernando Oyágüez, el gaiteru Diego Pangua y el téunicu de soníu Slaven Kolak-, sufrieron firíes de diversa gravedá.
Tres una temporada d'obligada inactividá, la banda resurde incorporando'l baxu lléctricu en manes de Dudu Puente, quién tamién-y pondrá voz nuevo a la formación. Más alantre tendría de llegar Moisés Suárez a la guitarra acústica. N'abril de 2008 asoleyen Canteros (Tierra Discos).
En 2017 espublizen el so últimu trabayu Cerquina, cola nueva incorporación, a la voz y al baxu, de Luis Senén Fernández.
Componentes
Actuales
- Ruma Barbero, bodhrán.
- Lisardo Prieto, violín.
- Diego Pangua, gaita y flauta.
- Aníbal Menchaca, baxu y voz.
- Luis Nicolás, guitarra.
- Alberto Ablanedo, buzuki.
- Bree Delian, cordión.
Antiguos
- Ígor Medio †, buzuki, voz.
- Carlos Redondo †, guitarra.
- Xuan Nel Expósito, cordión.
- Elías García Sánchez †, buzuqui.
- Luis Senén Fernández, baxu y voz.
- Moisés Suárez, guitarra acústica.
Discografía
Álbumes
Referencies
Enllaces esternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.