Remove ads
El Señor de los Aniellos (n'inglés: The Lord of the Rings) ye una historia de fantasía épica escrita por John R.R. Tolkien, como secuela de la so primer obra, El Hobbit. Asoleyóse orixinalmente en trés volúmenes: La Sociedá del Aniellu (The Fellowship of the Ring), Les dos torres (The Two Towers) y El regresu del rei (The Return of the King), de 1954 a 1955. Foi traducida al asturianu por Nicolás Bardio y espublizada por Ediciones Trabe.
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| El Señor de los Aniellos | ||||
|---|---|---|---|---|
 | ||||
serie de noveles, trilogía literaria (es)  y serie d'obres | ||||
| Datos | ||||
| Autor | John Ronald Reuel Tolkien | |||
| Fecha | 1954 | |||
| Xéneru |
fantasía, alta fantasía (es) y ficción d'aventures | |||
| Llingua orixinal | inglés | |||
| Llingua de la obra | inglés | |||
| Editorial orixinal |
George Allen & Unwin (es) | |||
| País orixinal |
 Reinu Xuníu | |||
| OCLC | 1487587 | |||
| Premios |
International Fantasy Award (1957) [1] Los 100 llibros del sieglu según Le Monde (1999) Premio Prometheus (2009) top 100 de libros de ciencia ficción y fantasía de la National Public Radio (11 agostu 2011) | |||
| Personaxes |
personajes de Arda (es) Aragorn (es) Bilbo Fardel[2] Boromir (es) Elrond (es) Éowyn (es) Faramir (es) Frodo Fardel[2] Galadriel Gandalf Gimli (es) Gollum (es) Legolas (es) Meriadoc Brandigamo (es) Peregrin Tuk (es) Samsagaz Gamyi (es) Saruman (es) Théoden (es) Éomer (es) Sauron (es) [2]Boca de Sauron (es) Radagast (es) Bárbol (es) Señor de los Nazgûl (es) Isildur (es) Denethor (es) Gríma (es) Glorfindel (es) Tom Bombadil (es) Thranduil (es) Arwen (es) Gil-galad (es) Guardián del Agua (es) Celeborn (es) Círdan (es) Beregond (es)
| |||
| Llugar de la narración |
Tierra Media, Condáu, Mordor (es) , Gondor (es) , Lothlórien (es) y Rohan (es) | |||
| Formáu por |
La Sociedá del Aniellu Les dos torres El regresu del rei Prólogu Apéndices | |||
| Obres derivaes |
Triloxía cinematográfica de The Lord of the Rings, The Lord of the Rings: War in the North, Middle-earth: Shadow of Mordor, Middle-earth: Shadow of War, LORD (en) , The Hunt for Gollum (es) , El Señor de los Anillos (es) y The Lord of the Rings: The War of the Rohirrim (es) | |||
| ||||
 | ||||
Fixéronse dos adautaciones al cine, la más destacada foi la triloxía de Peter Jackson (2001-2003), qu'entá nun foi doblada al asturianu.
Tol universu ficticiu de la novela alcuéntrase na denomada Tierra Media, onde los Pueblos Llibres (homes, elfos y nanos, aidaos polos hobbits) llibren una batalla titánica escontra les fuercies del Mal lideraes por Sauron, que quier algamar l'Aniellu de Poder Maliñu que-y quitaren nuna batalla anterior.
El nome de la novela vien precisamente de Sauron, Señor Escuru de Mordor, que fizo l'Aniellu de Poder y, poro, ye'l "Señor de los Aniellos", al que fai referencia'l títulu. Sauron yera'l sirviente d'un señor escuru anterior: Morgoth (o Melkor), ún de los protagonistes de The Silmarillion de Tolkien.
Remove ads
Magar que seya una obra independiente ella sola, The Lord of the Rings ye tamién la última parte d'un ciclu mitolóxicu muncho más llargu. L'aición desendólcase no que ye concebío como la Tierra real habitada pola humanidá, pero nun tiempu imaxinariu. Tolkien denómalo la Tierra Media, remembrando'l Midgard n'inglés antiguu.
La historia principal sacantes l'argumentu, entama miles d'años enantes de los fechos escritos na novela, col ascensu del denomáu Señor de los Aniellos, el Señor Escuru, un espíritu maliñu d'enorme poder y que gobierna l'espantible reinu de Mordor.
En finando la Primera Edá de la Tierra Media, Sauron sobrevive a la derrota del so maestru: Mórgoth. A lo llargo de la segunda edá, Sauron conspira p'algamar el dominiu sobro la Tierra Media. Antroxáu como "Annatar", o Señor de los dones, ayuda a Celebrimbor y a otros ferreros élficos d'Eregion a forxar los Aniellos de Poder. Con too y con esto Sauron fai secretamente l'Aniellu Únicu col que podrá esclavizar a los sos portadores.
Trés Aniellos pa los reis-elfos que sol cielu tán.
Siete pa los señores-nanos, nes sales de llobiu.
Nueve pa los homes, qu'a la muerte van.
Ún pal Señor Prietu nel tronu lloriu
na tierra de Mordor, onde les solombres tán.
Un Aniellu pa gobernalos, ún p'atopalos,
un Aniellu pa trayelos y no escuro amarralos,
na tierra de Mordor onde les solombres tán.[3]J.R.R. Tolkien, The Lord of the Rings
El plan fracasa cuando los elfos lu descubren y tapecen los sos aniellos. Sauron llanza entós una campaña militar na que captura los Siete Aniellos y los Nueve Aniellos y distribúilos entre los señores de los Nanos y los Homes respeutivamente. Los Nanos resulten muncho más difíciles d'esclavizar, pero los homes que tienen los Nueve, queden embaxo'l poder de los aniellos y conviértense en Nazgûl, los nueve sirvientes más espantibles. Los tres Aniellos, que Sauron nun foi pa garrar, queden en posesión de los elfos. Galadriel quédase con Nenya, Círdan con narya y primero Gil-Galad y dempués Elrond con vilya.
El rei de Númenor, Ar-Pharazôn, apuerta con un exércitu enorme y apresa a Sauron. D'entós p'acá, el Señor Escuru desencadena una serie d'eventos que finen por llevar a Númenor a la destrucción y fuxe en forma d'espíritu pa Mordor, onde algama una nueva forma y llanza un ataque escontra los exiliaos numenóreanos lideraos por Élendil y los sos fillos n'Ísildur y n'Anárion. Los exiliaos, tienen tiempu de preparase formando la Última Alianza ente Elfos y Homes col rei de los Éldar, Guil-Galad. Xuntos marchen pa Mordor y llevanten asediu na fortaleza de Barad-dûr. A la fin, el mesmu Sauron enfréntase en combate escontra los líderes de l'Alianza. Guil-Galad y Élendil muerren, pero algamen la derrota de Sauron. Ísildur garra la espada frayada del so pá y emplégala p'arramplar col Aniellu Únicu de la mano del propiu Sauron, y, nesti momentu, l'espíritu del Señor Escuru fuxe pa nun tornar a apaecer en munchos sieglos.
D'esi xeitu entama la Tercera Edá de la Tierra Media. Un poco más tarde, demientres viaxaba p'hacia Valfienda, ataquen a Ísildur una banda d'orcos y muerre. L'Aniellu escápase-y y fina nel ríu Ánduin.
N'El Hobbit, l'aventura anterior de The Lord of the Rings, Tolkien desplica la historia del aparentemente accidental alcuentru del Aniellu por parte del hobbit Bilbo Bolsona.
El Señor de los Aniellos continúa la historia dellos años dempués del final d'El Hobbit. Narra les aventures d'una coalición de munches races de la Tierra Media, incluyendo Elfos, Nanos, Hobbits y Homes, cola misión de destruyir el terrible Aniellu del Poder ya impidir asina la única oportunidá que tien Sauron de tornar a los sos plenos poderes.
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads