El Carbayón foi un diariu que s'editó n'Uviéu dende finales del sieglu XX hasta l'añu 1936.
| Diariu El Carbayón | |
|---|---|
| Datos | |
| Tipu | periódicu |
| Idioma | castellanu |
| Estáu |
 España |
| Sede | Uviéu |
 | |
El Carbayón anició la so tirada n'Uviéu'l 5 d'ochobre de 1879, tres el polémicu valtamientu del carbayón centenariu que torgaba l'ensanche de la cai Uría, qu'unía la zona antigua de la ciudá cola estación de ferrocarril.
Al principiu concibióse como selmanariu, recibiendo'l subtítulu de «Periódico de intereses morales y materiales»; más tarde foi espublizáu como biselmanariu pa tornar poco dempués como diariu, siendo'l periódicu más importante d'Uviéu tres poco tiempu de salir a la venta. El so primer direutor foi Rogelio Jove y Bravo, y ente los sos redautores y collaboradores cuntábense persones tan illustres como Fermín Canella Secades, Rafael Sarandeses, Maximiliano Arboleya, quien sería tamién direutor del diariu en delles ocasiones, y Clarín. Sustituyó'l so subtítulu decimonónicu pol de «Diario asturiano de la mañana» y más tarde adoptó'l de «Decano de la Prensa de Oviedo». En 1910 absorbió al diariu La Opinión y en 1921 a El Pueblo Astur.
Otros direutores del periódicu fueron: Marcelino Trapiello, Mariano Sánchez Roca, Gonzalo Merás y Navia-Osorio, José Díaz Sarri, Juan Antonio Cabezas, Eduardo Quiñones y Segundo López del Camino. Asoleyóse per más de mediu sieglu, cesando al aniciase la guerra civil, el 18 de xunetu de 1936.
- Rogelio Jove y Bravo.
- Maximiliano Arboleya.
- Marcelino Trapiello.
- Mariano Sánchez Roca.
- Gonzalo Merás y Navia-Osorio.
- José Díaz Sarri.
- Juan Antonio Cabezas.
- Eduardo Quiñones.
- Segundo López del Camino.
- Jorge Uría: "Las transformaciones de El Carbayón. De diario conservador a órgano del catolicismu social", en J. Uría (coord.) Historia de la prensa en Asturias. I Nace el cuarto poder. La prensa en Asturias hasta la Primer Guerra Mundial, Uviéu, Asociación de la Prensa d'Uviéu, 2004, páxs. 241-279 [84-609-0061-4].
- Víctor Rodríguez Infiesta: Socialización política y prensa de masas. El proceso de la opinión pública en Asturias, 1898-1923, Uviéu, Real Institutu d'Estudios Asturianos, 2007 [ISBN 978-84-87212-54-3].
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
