Remove ads
Ciudadanos-Partido de la Ciudadanía, o Ciudadanos (Cs), ye un partíu políticu español, que'l so presidente yera Albert Rivera. Fundáu en 2006 en Barcelona, siendo'l so xerme la plataforma cívica Ciutadans de Catalunya, colos años estendióse a toa España, algamando representación nel Parllamentu de Cataluña, nel Parllamentu d'Andalucía, nel Parllamentu Européu y en dellos conceyos del país. Autodefínese como un partíu constitucionalista, Lliberal y progresista.
| Ciudadanos | |
|---|---|
.svg) | |
| Acrónimu | CS |
| Secretaría xeneral | Adrián Vázquez Lázara |
| Voceru/a | Inés Arrimadas (en Congresu) |
| Fundación | 4 de marzu de 2006[1] |
| Sede |
Cai d'Alcalá, 253 28027, Madrid[2] |
| Estáu |
 España |
| Afiliaos | 32 514 (2016) |
| Ideoloxía política |
Unionismu español Europeísmu |
| Posición nel espectru | centrismu |
| Organización de mocedá | Xóvenes Ciudadanos |
| Afiliación europea | Partíu Européu Lliberal Demócrata Reformista |
| Páxina web | ciudadanos-cs.org |
 | |
Remove ads
Orixe
Ciudadanos nació a partir de la plataforma cívica Ciutadans de Catalunya, creada'l 7 de xunu de 2005 en Barcelona por un grupu de quince intelectuales, profesores universitarios y profesionales de diversos campos. El día 21 d'ese mesmu mes presentaron nel Centru de Cultura Contemporánea de Barcelona un manifiestu denomináu: Pola creación d'un nuevu partíu políticu en Cataluña, que tamién se presentó en Bilbao y en Madrid, nel que se comprometíen a impulsar la constitución d'una nueva fuerza político d'ámbitu catalán. Declaráronse opuestos a lo que consideraben como la imposición del nacionalismu catalán dende diversos ámbitos del poder en Cataluña, lo que calificaron como «nacionalismu obligatorio».
L'actu de presentación del procesu constituyente del nuevu partíu tuvo llugar el 4 de marzu de 2006, nel teatru Tívoli de Barcelona, cola presencia y sofitu de diverses personalidaes del ámbitu de la cultura, educación y política.[3] Mientres la campaña de Ciutadans de Catalunya pal Referendu estatutariu en Cataluña, el 5 de xunu de 2006, Arcadi Espada y otros miembros de la plataforma foron afrellaos por un grupu d'independentistes catalanes.[4] La periodista y subdireutora del diariu El Mundo, Victoria Prego, foi testigu de too ello y espresólo en dos artículos.[5][6] La plataforma presentó una denuncia énte los xulgaos de Girona[7] y, a propuesta del Partíu Popular, el plenu del Congresu de los Diputaos aprobó de forma unánime un día dempués una declaración institucional pa condergar l'agresión de la que foi oxetu.[8]
El procesu remató nun congresu fundacional, celebráu en Bellaterra los díes 8 y 9 de xunetu de 2006 cola participación de 350 delegaos procedentes de les aproximadamente cincuenta agrupaciones territoriales y seutoriales de la organización,[9] onde se definió la organización y estructura interna, escoyéronse los muérganos representativos, aprobóse'l cuerpu ideolóxicu que definía al nuevu partíu nesi momentu, l'ámbitu d'actuación y el nuevu nome col qu'allegaría a les eleiciones al Parllamentu de Cataluña de 2006. El congresu fundacional escoyó como primer presidente a Albert Rivera, un abogáu de ventiséis años y como secretariu xeneral a Antonio Carbayos.[10]
El nuevu partíu decidió denominase Ciudadanos-Partido de la Ciudadanía (Ciudadanos-Partíu de la Ciudadanía n'asturianu), en castellán, col fin de reafitar que'l so ámbitu d'actuación ye'l de toa España,[11] anque nes comunidaes autónomes con más d'una llingua oficial úsase indistintamente'l nome en dambos idiomes oficiales. Con posterioridá, Albert Rivera afirmó qu'escoyeron la pallabra «ciudadanos» como nome del partíu porque-yos gustaría ser «ciudadanos del mundu».[12]
Eleiciones autonómiques de 2006
Tres el procesu constituyente, Ciudadanos se centró en movilizase pa les eleiciones al Parllamentu catalán d'esi mesmu añu'l votu útil de munchos astencionistes y desengañaos coles cinco formaciones —Convergència i Unió, Partíu de los Socialistes de Cataluña, Esquerra Republicana de Catalunya, Partíu Popular y Iniciativa per Catalunya Verds-Esquerra Unida i Alternativa— con representación nesi momentu. Les sos mires taben n'entrar na cámara autonómica y siguir creciendo ensin pactar nenguna alianza d'intereses con un partíu nacionalista.[13]
El día 16 de setiembre de 2006, Ciudadanos presentó la so candidatura a les eleiciones autonómiques del 1 de payares nel Palaciu de la Música Catalana. Énte los 2000 simpatizantes qu'enllenaron el Palaciu, presentáronse los candidatos per cada provincia, y un cartelu de campaña, qu'amosaba desnudu al candidatu Albert Rivera.[14]
Finalmente, el partíu llogró trés escaños y un total de 89 840 votos en toa Cataluña, convirtiéndose asina na sesta fuercia política del Parllamentu de Cataluña. Los escoyíos pa ocupar los trés escaños, toos pola circunscripción eleutoral de Barcelona, foron Albert Rivera, José Domingo, y Antonio Carbayos.[15]
| Fecha | Ámbitu | Cabezaleru | Votos | % de votos | Escaños | Posición |
|---|---|---|---|---|---|---|
| 21 d'avientu | Parllamentu de Cataluña | Albert Rivera | 89 840 | 3,09 % | 3/135 |
6ª |
El programa del partíu rehuía cualquier allugamientu pa favorecer a los posibles candidatos a la presidencia de la Xeneralidá, Artur Mas o José Montilla. Albert Rivera destacó que'l partíu actuaría solo en cuestiones qu'esmolecieren y afectaren a los ciudadanos catalanes, lloñe de cualquier rivalidá o competición pol poder per parte de los grandes partíos como CiU o PSC, los más votaos nos comicios de 2006. El 24 de payares de 2006, mientres la sesión de investidura de Montilla como presidente, Ciudadanos votó en contra.[16]
Segundu Congresu Nacional
Los díes 30 de xunu y 1 de xunetu, celebróse'l segundu Congresu Nacional, tal y como axustaben los sos estatutos. El primer día foron refugaos pola Asamblea los informes presentaos pola Executiva y el Conseyu Xeneral. Solo aprobóse'l presentáu pola Comisión de Garantíes.[17] Como parte de los estatutos, foi aprobáu un sistema de llistes abiertes, ensin llimitación de votu[18] pa la eleición del Comité Executivu. Tamién l'establecimientu d'eleiciones primaries pa la ellaboración de llistes eleutorales y l'amenorgamientu a cinco del númberu de miembros del Comité Executivu presentes nel Conseyu Xeneral, ente otres reformes.
Nel ideariu foi aprobada la denominada Enmienda Carreras,[19] a la totalidá del testu, realizada por Francesc de Carreras y sofitada por Albert Rivera. Nel prólogu del nuevu ideariu méntase, como ún de los factores que provocaron la nacencia de Ciudadanos, «el vacíu de representación qu'esistía nel espaciu eleutoral de centroizquierda non nacionalista». Esta frase desamarró'l discutiniu nel congresu, yá qu'hasta entós el partíu denominárase como tresversal a toa ideoloxía. L'aprobación de tal ideariu acabó provocando la baxa del partíu de gran parte de los militantes asitiaos ideolóxicamente más a la drecha o contrarios a alliniase ideolóxicamente, según la mayor parte de los miembros de la llista derrotada na eleición pal Comité Executivu, encabezada pol profesor de ciencies polítiques de la Universidá de Barcelona Luis Bouza-Brey, que solo algamó unu de los 20 puestos en disputa.
Eleiciones xenerales y andaluces de 2008
Ciudadanos entamó en payares y avientu de 2007, respectivamente, dos procesos simultáneos pa les eleiciones xenerales del 9 de marzu de 2008: la ellaboración del so programa eleutoral y la eleición de los sos candidatos. Nel procesu d'ellaboración del programa eleutoral pudieron formular propuestes les sos agrupaciones, los sos afiliaos individualmente y cualesquier cibernauta dende la páxina web. Pa la eleición de candidatos estableció un sistema d'eleiciones primaries pa cada circunscripción. Dambos procesos remataron en xineru de 2008 cola publicación na so páxina web del so programa eleutoral[20] y la proclamación de candidatos, Fernando Landecho por Madrid y Albert Rivera por Barcelona.[21][22]
Finalmente Ciudadanos presentó llistes al Congresu de los Diputaos nes 52 circunscripciones españoles, declarando que teníen les sos mayores mires eleutorales nes de la capital y la ciudá condal.[23] Sicasí, les resultancies eleutorales tuvieron en llinia coles encuestes, que na so práctica totalidá nun recoyíen la posibilidá de llograr representación parllamentaria. Ciudadanos llogró 45 750 votos en tol territoriu nacional (0,18 %).[24] Coles mesmes, Ciudadanos presentóse tamién a les eleiciones al Parllamentu d'Andalucía, llogrando 6024 votos (el 0,13 % del total).[25]
| Fecha | Ámbitu | Cabezaleru | Votos | % de votos | Escaños | Posición |
|---|---|---|---|---|---|---|
| 9 de marzu | Xenerales | Albert Rivera | 46 313 | 0,18 % | 0/350 | 13ª |
| 9 de marzu | Parlamento de Andalucía | Antonio Venceslá Mariscal | 6024 | 0,13 % | 0/109 | 9ª |
Nel añu 2008, el partíu constituyó la fundación Tribuna Cívica, inscrita nel Rexistru de Fundaciones, y con casa social en Madrid.
El periódicu catalán Ara publicó que Ciudadanos tenía una fundación y qu'esta nun fuera fiscalizada pola Sindicatura de Cuentes de Cataluña.[26] Sicasí, dende la formación informaron que s'unvió a la Sindicatura una carta esplicando que la única fundación venceyada a Ciudadanos nun taba rexistrada nos archivos de la Xeneralidá sinón nos del Ministeriu d'Educación, Cultura y Deporte, al tener el so ámbitu d'actuación en toa España y, que por tanto, tenía de ser fiscalizada pol Tribunal de Cuentes. Tamién indicaron que la fundación nun recibiera nunca nin dineru público nin donaciones.[27] A pesar d'ello, Ciudadanos unvió voluntariamente les cuentes a la Sindicatura de Cuentes[28] y lo publicó na páxina web del partíu.[29]
Tres les europees, camín a les catalanes (2009-2010)
Tres un procesu de primaries dientro'l partíu, Albert Rivera foi confirmáu como candidatu a la presidencia de la Xeneralidá de Cataluña, pa les eleiciones catalanes convocaes pal 28 de payares de 2010.[30] El partíu propunxo reformar l'actual llei eleutoral catalana.
El partíu asitióse en contra de la iniciativa llexislativa popular que pretendía prohibir les corríes de toros en Cataluña, por considerar que se taba énte un atentáu contra la llibertá individual de les persones, tratándose, argumentaron, más d'un discutiniu identitaria que de defensa de los drechos de los animales.[31]
El 31 d'ochobre de 2009, nel Teatru Villarroel de Barcelona, presentóse'l manifiestu Cataluña somos toos,[32] testu que defendía la pluralidá de Cataluña frente a una visión nacionalista de la mesma. El testu foi sofitáu por numberoses personalidaes como Pablo Castellano, exdirixente históricu del PSOE, Francesc de Carreras, catedráticu de Drechu constitucional pola Autónoma de Barcelona, Iñaki Ezkerra, escritor y fundador del Foru d'Ermua, Mikel Buesa, catedráticu d'Economía y ex-presidente del Foru d'Ermua, o Juan Carlos Girauta, periodista.[33]
Yá en campaña pa les autonómiques catalanes, el partíu encargó l'himnu musical de campaña al pinchadiscos Victor Ark.[34] Finalmente, Ciudadanos aumentó'l so sofitu eleutoral hasta los 106 142 votos (3,4 %), revalidando los sos trés diputaos consiguíos en 2006.
| Fecha | Ámbitu | Cabezaleru | Votos | % de votos | Escaños | Posición |
|---|---|---|---|---|---|---|
| 28 de payares | Parllamentu de Cataluña | Albert Rivera | 105 827 | 3,24 % | 3/135 |
6ª |
Eleiciones al Parllamentu Européu de 2014
En xineru de 2014 conocióse que'l Tribunal Superior de Xusticia de Cataluña (TSXC) investigaba al diputáu de Cs, Jordi Cañas, nel Parllamentu Catalán por tar presuntamente implicáu nun fraude asocedíu nel añu 2005, enantes de fundase Ciudadanos.[35] Énte tal situación, Jordi Cañas abandonó'l so cargu como voceru del grupu parllamentariu[36] asina como'l so acta de diputáu.[37][38] Sicasí, en payares de 2014, Carlos Girauta lu contrató como asesor nel Parllamentu Européu.[39] Ciudadanos xustificó esta decisión aduciendo que Jordi Cañas nun taba imputáu por corrupción política, sinón por un delitu previu a la so etapa como diputáu.[40]
El 2 de febreru de 2014, el Conseyu Xeneral aprobó la participación en solitariu de Cs a les eleiciones europees d'esi añu,[41] Tres un procesu de primaries pa escoyer a los candidatos, onde allegaron un total de 27 persones, ente ellos independientes,[42] foron escoyíos Javier Nart, Juan Carlos Girauta y Carolina Punset,[43] líder del partíu ecoloxista Ciudadanos por Altea.[44] L'actu de presentación de la candidatura tuvo llugar el 22 de marzu nel Hotel Auditorium de Madrid énte más de mil persones.[45]
Nes eleiciones europees de 2014, la candidatura encabezada por Javier Nart foi la octava más votada, llogrando dos eurodiputaos que s'integraron nel grupu d'ALDE[46] y consiguiendo un total de 497 146 votos (3,16 %) en toa España, de los cualos 157 948 votos (6,28 %, sesta fuerza político) foron en Cataluña y 106 807 votos (4,81 %, sesta fuercia política) na Comunidá de Madrid.[47] Extrapolando eses resultancies al Congresu de los Diputaos, Ciudadanos consiguiría cuatro diputaos.[48]
| Fecha | Ámbitu | Cabezaleru | Votos | % de votos | Escaños | Posición |
|---|---|---|---|---|---|---|
| 25 de mayu | Parllamentu Européu | Javier Nart | 497 146 | 3,16 % | 2/54 |
9ª |
La Sindicatura de Cuentes sostenía nel informe Rindición de cuentes de los partíos políticos y de les asociaciones y fundaciones venceyaes, exerciciu 2013 que dos fundaciones venceyaes a Ciudadanos, Egara Cívica y Associació Catalunya Constitucional, nun presentaron les sos cuentes, y qu'una tercera, Tribuna Cívica, nun reportó la so auditoría. Amás, afirmaba que Cs foi l'únicu partíu que nun facilitara información sobre les sos sovenciones y donaciones nin sobre los sos creitos y la Sindicatura de Cuentes nun duldaba de que los tenía.[49] Un añu enantes multó a Cs con 450 euros por non identificar l'orixe d'unos fondos na contabilidá de la campaña eleutoral de les eleiciones autonómiques en Cataluña de 2012.[50][51]
Espansión nacional (2014-2015)
Como parte de la so estratexa d'implantación nacional, el partíu selló aliances con dellos partíos menores. Les formaciones Centru Democráticu Lliberal,[52] Unión del Pueblo Salmantino,[53] Partíu Rexonalista de Castiella y Llión,[54] Ciudadanos Independientes de Sanlúcar,[55] Ciudadanos por San Fernando,[55] Ciudadanos de Tielmes,[56]Alternativa Independiente Sanroqueña,[57] Unión Popular de Boiro,[58] Ciudadanos por Alhama,[59] Unión de Centru Lliberal,[60] Unión de Ciudadanos Independientes de Toledo,[61] Partíu pa la Rexeneración Democrática,[62] Unión del Pueblu Estremeñu,[63] y Loreños Independientes,[64] s'axuntaron con Ciudadanos en 2014.
Pela so parte, Ciudadanos Portuenses,[65] Plataforma del Pueblu Sorianu,[66] Ciudadanos de Santa Cruz,[67] Plataforma de Vecinos Amb Trellat de Gilet,[68] Unión do Pobo Ribadense,[69] Alternativa Independent per L’Alocra,[70] Unión Popular de Alboraya,[71] Gobiernu del Pueblu (GOPU),[72] Iniciativa pol Desenvolvimientu de Soria,[73] Canviem Santa Pola,[74]Grup Independent del Masnou,[75] Civiqus,[76] Grupu Independiente Oropesino[77] y la Plataforma Atopo[78][79] lo fixeron en 2015.
Amás, tres les eleiciones municipales d'España de 2015, les formaciones Soy de Benejúzar Independientes[80] y Partíu Independiente Granja de Rocamora[81][82] s'integraron en Ciudadanos.
Ciudadanos tamién llegó a dos talos alcuerdos con Ciudadanos de Menorca y Unió del Poble de Ciutadella pa enllantase na islla y entamar el trespasu de militantes, anque estes formaciones van caltener hasta'l final de la llexislatura los sos propios grupos municipales.[83][84]
Amás, nesti periodu, la incorporación de políticos procedentes d'otros partíos nun tuvo exenta de discutinios. El 26 de payares de 2014, dos conceyales del Partíu de los Socialistes de Cataluña de Sant Vicenç dels Horts abandonaron el so cargu y el so partíu «poles discrepancies cola ambigüedá del PSC na tema de la consulta independentista» y pasáronse a Ciudadanos.[85] José Serna, coordinador de Ciudadanos en Torrevieja, aseguró en 2015 que nes files de Ciudadanos había «infiltraos del PP» que pretendíen «estremalo» de la direición del partíu.[86] Darréu, Ciudadanos reaccionó cesándolo y espulsándolo del partíu.[87] José Serna acusó a los responsables Ciudadanos, tanto a nivel llocal como provincial, de «incumplir los estatutos de la formación pa esanicialo».[88] Miguel Cazorla Garrido, candidatu de Ciudadanos a l'alcaldía d'Almería, foi imputáu a empiezos de 2015 por un presuntu delitu d'apropiación indebida,[89] darréu dimitiría.[90]
Tamién fichó a destacaos economistes como Manuel Conthe, Luis Garicano[91][92] y l'ex secretariu xeneral de la Organización d'Inspectores de Facienda, Francisco de la Torre,[93]
Eleiciones xenerales de 2015
Nes eleiciones xenerales celebraes el 20 d'avientu de 2015, llogró más de 3,5 millones de votos y consiguió convertise na cuarta fuercia política d'España con 40 de los 350 diputaos que componen el Congresu de los Diputaos. De les 52 circunscripciones eleutorales, Ciudadanos llogró representación en 25. A pesar de ser tamién cuarta fuercia en númberu de votos, la formación nun llogró representación nel Senáu más allá de la designada polos parllamentu autonómicos.[94]
De cara al entamu de la xi llexislatura, Ciudadanos robló un pactu col Partíu Socialista Obreru Español pa sofitar la investidura de Pedro Sánchez como presidente'l Gobiernu,[95] sicasí nun llogró ser investíu y realizáronse nueves eleiciones en 2016.
| Fecha | Ámbitu | Cabezaleru | Votos | % de votos | Escaños | Posición |
|---|---|---|---|---|---|---|
| 20 d'avientu | Congresu de los Diputaos | Albert Rivera | 3 500 446 | 13,93 % | 40/350 | 4ª |
| 20 d'avientu | Senado | - | 7 377 905a | 11,17 % | 0/208 | - |
Eleiciones xenerales de 2016
| Fecha | Ámbitu | Cabezaleru | Votos | % de votos | Escaños | Posición |
|---|---|---|---|---|---|---|
| 26 de xunu | Congresu de los Diputaos | Albert Rivera | 3 123 769 | 13,05 % | 32/350 |
4ª |
| 26 de xunu | Senáu | - | - | - | 0/208 |
- |
Eleiciones xenerales de payares de 2019[96]
| Fecha | Ámbitu | Cabezaleru | Votos | % de votos | Escaños | Posición | Notes |
|---|---|---|---|---|---|---|---|
| 10 de payares | Congresu de los Diputaos | Albert Rivera | 1.637.540 | 6,79% | 10/350 | 5ª | Esti foi'l peor resultáu eleutoral del partíu |
| 10 de payares | Senáu | - | - | - | 0/208 | - |
Énte los resultaos permalos pal partíu, Albert Rivera decide como líder de la formación, dimitir[97] de la presidencia d'esti. La so dimisión foi presentada énte la Executiva Nacional de Ciudadanos al día viniente de realizase los comicios.
Remove ads
L'ideariu básicu de Ciudadanos s'asitia nel lliberalismu progresista.
Estructura del Estáu
El so ideariu de mínimos[98] s'articula nos siguientes cinco grandes exes:
- La convivencia territorial y la equidá de drechos y deberes ente toles rexones d'España, y, sobremanera, ente tolos españoles.
- L'Estáu tien de promover la igualdá d'oportunidaes de forma que nin l'orixe étnicu, nin l'idioma, nin el sexu, nin la posición económica de la familia, determine privilexos.
- Neutralidá de l'Alministración pública tanto n'aspeutos relixosos como identitarios, y defensa de los valores democráticos ya ilustraos. Los sentimientos y les identidaes (nacionales, rexonales, relixoses, etc.) son respetables, pero nun pue dexase que s'impongan per delantre de los drechos públicos de los individuos.
- Defensa del billingüismu. Señalen el conceutu «llingua propia» como un conceutu nacionalista. En Cataluña hai dos llingües oficiales, usaes indistintamente polos sos ciudadanos, polo que se va oponer a cualquier tipu de discriminación institucional por motivos de llingua.
- Defensa de la Constitución española de 1978, buscando zarrar el modelu autonómicu y de competencies tresferíes a les comunidaes autónomes, y particularmente en caltener la soberanía nel conxuntu de la ciudadanía española y non nes comunidaes autónomes.
Ciudadanos critica cualquier tipu de nacionalismu, «incluyíu'l nacionalismu español que defende'l señor Ynestrillas», y tamién el patriotismu.[99]
Cs tamién defende l'actual Estáu de les Autonomíes como modelu territorial.[100]
Opónse al nuevu Estatutu d'Autonomía catalán, que foi aprobáu en referéndum el día 18 de xunu de 2006, pos dicía «refugar les polítiques identitaries qu'al so xuiciu empapen», según el conceutu de «drechos históricos» que, siempre según Ciudadanos, «remanáronse pa xustificar polítiques “asimétriques” y desiguales ente territorios». Como tal, defende una torna al Estatutu de 1979 derogando l'actual testu, que consideren impuestu ensin una mayoría de más del 50 % del eleutoráu en 2006, siendo partidariu d'una autonomía acorde coles llendes constitucionales afitaos en 1978 na vixente Constitución.[ensin referencies]
El partíu respeta y nun quier esaniciar los rexímenes forales d'Euskadi y Navarra porque considera que «nun son discriminatorios por sigo mesmos», pero s'oponen al Cupu Vascu.
Programa económicu
El so programa económicu va dirixíu a les persones de centrodrecha,[101] averándose a modelos escandinavos.[102] Estrémase, según les sos declaraciones, en dos grandes estremaos.[103]
El primeru, que lleva por ámbitu la llucha contra la crisis, compónse de la mesma de trés exes.[103] La so primer exa, concebíu pa lluchar contra'l paru y la precariedá, foi presentáu'l 17 de febreru nel Círculu de Belles Artes de Madrid por Manuel Conthe, Luis Garicano y Albert Rivera[104][105] y proponía:
- Contratu únicu con calter indefiníu ya indemnizaciones crecientes por antigüedá.[104][102][106]
- Mochila austriaca. Cuenta individual pa cada trabayador, qu'incluyiría aportaciones empresariales y eventuales sovenciones públiques a la formación o contra'l paru de llarga duración. El trabayador podría disponer d'esti fondu cuando seya despidíu o se xubile.[104][102][105]
- Bonificación nes cotizaciones a la seguridá social pa les empreses que despidan menos o contraten paraos de llarga duración.[101]
- Cheques de formación pa paraos de llarga duración.[104][102]
- Plan européu contra'l desemplegu con un fondu común.[104]
- Segunda oportunidá pa los deldores y dación en pagu.[104][107][102]
- Renta complementaria añal pa los salarios más baxos (Earned Income Tax Credit, na terminoloxía d'Estaos Xuníos).[107][101][102][105]
La so segunda exa, presentáu'l 7 d'abril nel teatru Goya, ta concebíu pa impulsar les empreses y l'anovación[107] y el postreru centrar nuna reforma tributaria.[103]
El segundu estremáu del programa económicu sería'l de crecedera sostenible,[101] tamién compuestu de trés exes:[103] reforma educativa,[103] reforma del Estáu y llucha contra la corrupción[103] y fin del capitalismu clientelista.[103]
Pactu anticorrupción
En xineru de 2011, Ciudadanos presentó a los partíos políticos un pactu anticorrupción[108] resumíu nun decálogu de midíes que, al traviés d'una serie de cambeos llegales empobinaes a la prevención, disuasión y al control económicu, pretende «restaurar ente toos l'enfotu de los ciudadanos nos sos políticos». Ente les principales novedaes que plantega esti decálogu atopa la responsabilidá patrimonial subsidiaria de los partíos, midida qu'esixe «el compromisu de los partíos a asumir la responsabilidá que-yos correspuende de reparar el mal causáu tres un casu de corrupción nes sos files, al traviés de la devolución del dineru robao al erariu públicu». Tamién compromete a una reforma del Códigu Penal, de manera que'l financiamientu irregular tea tipificada como delitu y tenga la so propia pena, y a la esclusión de la corrupción política del alderique políticu pa que la corrupción nun seya utilizada como un arma política y tolos casos seyan trataos por igual. Esta propuesta inclúi amás un sistema de control económicu nos partíos empobináu a la tresparencia: declaración pública del patrimoniu, control de les cuentes de los partíos ya instituciones, tresparencia de financiamientu de los partíos políticos y fundaciones y la regulación de les donaciones y llimitación del gastu eleutoral. Nengún partíos de sumó al pactu lo qu'obligó a Ciudadanos a proponer dos años dempués una cume anticorrupción con tolos partíos.
Remove ads
Congresu de los Diputaos
| Congresu de los Diputaos | |||||
| Eleiciones | Votos | % | Escaños | Notes | Líder |
|---|---|---|---|---|---|
| 2008 | 46.313 | 0,2 | 0/350 |
Nengún escañu | Albert Rivera |
| 2015 | 3.514.528 | 13,94 | 40/350 |
Nun va formar gobiernu | Albert Rivera |
| 2016 | 3.141.570 | 13,06 | 32/350 |
Dio-y sofitu al PP | Albert Rivera |
| Abril de 2019 | 4.136.600 | 15,86% | 57/350 |
Nun sofita al PSOE, fracasa la investidura | Albert Rivera |
| Payares de 2019 | 1.637.540 | 6,79 | 10/350 |
Perda de 47 escaños. Albert Rivera dexa'l partíu y la so presidencia. | Albert Rivera |
Parllamentu Européu
| Parllamentu Européu | ||||
| Eleiciones | Votos | % | Escaños | Cabezaleru |
|---|---|---|---|---|
| 2009 | 22.9031 | 0,1 | 0/54 |
Miguel Durán |
| 2014 | 497.146 | 3,2 | 2/54 |
Javier Nart |
| 2019 | 2.726.642 | 12,17 | 7/54 |
Luis Garicano Gabilondo |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads