Central térmica de Lada
From Wikipedia, the free encyclopedia
From Wikipedia, the free encyclopedia
La Central térmica de Lada ye una instalación termoeléctrica de ciclu convencional asitiada xunto a l'autovía AS-117 y el ríu Nalón,na ciudá de Llangréu, ente los distritos de Lada y La Felguera, nel conceyu asturianu del mesmu nome Llangréu (España). Consta de dos grupos térmicos de 350 y 175 MW, qu'utilicen el carbón como combustible, y ye propiedá de la empresa Iberdrola.[1]
Central térmica de Lada | |
---|---|
central eléctrica de carbón (es) | |
Llocalización | |
País | España |
Autonomía | Principáu d'Asturies |
Provincia | provincia d'Asturies |
Conceyu | Llangréu |
Coordenaes | 43°18′31″N 5°41′53″W |
Historia y usu | |
Apertura | 1946 |
Dueñu | Iberdrola |
Xestión | Iberdrola |
En payares de 2017 Iberdrola, dientro de la so política d'amenorgamientu d'emisiones, solicitó al Ministeriu d'Industria y Enerxía el permisu pa llevar a cabu'l zarru de la central nun principiu para 2018, aplazáu a 2021.[2]
El proyeutu de construcción de la central térmica en Llangréu surdió nos años 1940, mientres l'autarquía franquista, col fin d'aprovechar la importante producción carbonífera de hulla de la cuenca minera asturiana. La Compañía Llétrica de Llangréu, fundada en 1923, asumió la construcción y esplotación de la planta. Asina, foi construyíu un grupu de 25 MW, a que la so inauguración allegó'l xeneral Francisco Franco en 1949. Dos años dempués inauguróse'l Grupu II, tamién de 25 MW, que completaba una potencia total de 50 MW, con una producción añal de 300 000 MW/h, el 40% de la cual yera unviáu por rede llétrica pal so consumu en Madrid.[3]
La necesidá de modernizar les instalaciones y sustituyir la vieya central foi tomando cuerpu nos años 1960. Asina, construyóse'l Grupu III, de 150 MW, conectáu a la rede en xunetu de 1967. En 1979, y magar tar yá namái en funcionamientu los grupos II y III, la central algamó los sos máximos índices de contaminación: en payares Llangréu foi consideráu'l conceyu más contamináu d'España, lo que repercutió en que la empresa fuera sancionada.[4]
A finales de los años 1970 plantegóse la posibilidá de la so ampliación a un nuevu grupu, que foi rematáu n'avientu de 1981 y que supunxo'l retiru definitivu de los dos grupos primitivos. Esti Grupu IV (o Lada IV), de 355 MW de potencia, sería alimentáu nun principiu con carbón de la cuenca asturiana suministráu por Hunosa. En 1981, Hidroeléctrica Española (dempués Iberdrola) adquirió la Llétrica de Llangréu, faciéndose cargu de la térmica de Lada y una parte de la de Soto Ribera.[5]
L'usu de carbón autóctono foi baxando pasu ente pasu, y dende los años 2000 la térmica consume principalmente carbón d'importación.[6]
En 2007, Rede Llétrica Española plantegó un proyeutu pa construyir una llinia d'alta tensión pa coneutar la central de Lada y la central térmica de Velilla en Velilla del Ríu Carrión (Palencia) travesando la Cordal Cantábricu.[7] Dichu proyeutu cuntó con una importante oposición de movimientos ciudadanos, políticos y ecoloxistes qu'efectuaron múltiples denuncies que lo caltienen paralizáu.[8]
Iberdrola, p'afaese a la llexislación sobre emisiones a l'atmósfera, decidió la instalación d'una planta de desulfuración nel Grupu IV, que foi construyida por Duro Felguera ente 2007 y 2009,[9] con un costu de 60 millones €.[10] Coles mesmes, la empresa procedió al zarru del Grupu I en 2016. Iberdrola plantegó tamién el proyeutu de construcción d'un grupu de ciclu combináu na central, anque tornó esta posibilidá en 2011 por cuenta de la dificultá de tresportar la enerxía xenerada al retrasase la llinia Sama-Velilla.[11]
La chimenea del Grupu IV, con 175 metros d'altor,[12] ye la tercer estructura más alta d'Asturies y la 34º d'España.[13]
En payares de 2017 fíxose públicu qu'Iberdrola, dientro de la so política d'amenorgamientu d'emisiones de CO2, solicitó al Ministeriu d'Industria y Enerxía el permisu pa llevar a cabu'l zarru de la central de Lada y la de Velilla, en Palencia, previstos para 2021, y al esmantelamientu de dambes nun periodu d'otros trés años.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.