establecimientu especializáu nos xuegos d'azar y d'apuestes From Wikipedia, the free encyclopedia
Un casinu de xuegu ye una instalación qu'alluga y tien capacidá pa ciertos xuegos d'azar. Los casinos son comúnmente construyíos cerca o en combinación con hoteles, restaurantes, tiendes comerciales, cruceros turísticos y otres atraiciones.
La pallabra casinu vien del italianu casino, casa nel campu. Paez que orixinariamente esistíen ciertes villes nel campu que s'utilizaben como llugar d'esparcimientu pa la nobleza y la clase media alta. Unu d'estos divertimentos yeren los xuegos d'azar. Al pasar dichos locales a les ciudaes o la so contorna caltuvieron el nome orixinariu de casinos, que s'utiliza en cuasi tolos llinguaxes occidentales.
Los apuestes como forma de diversión y ociu siempres ocuparon un llugar bien importante nel senu de la sociedá. Na actualidá 2 de cada 3 persones practiquen dalgún tipu d'apueste de forma habitual.[1] Esta popularidá reafita la importancia del casinu como una de les fonte d'ociu más espublizaes anguaño.
Un casinu de xuegu ye un establecimientu nel cual l'atraición principal son los xuegos d'azar. Los xuegos más populares son la ruleta, el black jack, el craps, el puntu y banca, el póquer y les máquines tragaperres.[2] La lóxica de toos estos xuegos consiste, nel so nivel más básicu, nel siguiente mecanismu:
Adicionalmente, les cantidaes de ganancia (G) tán axustaes de mano. Pa determinar les mesmes, utilícense complexos mecanismos estadísticos, de manera tal de dar cierta ventaya al casinu. D'esta miente, si pensáramos nun xugador que xugara eternamente, el saldu sería a favor del casinu d'alcuerdu a la proporción axustada primeramente.
Magar el casinu fomenta l'actividá turística d'una llocalidá (yá que los xugadores tamién utilicen servicios de hotelería, gastronomía y otros), esíxese-yos un altu porcentaxe d'impuestos por cuenta de los problemes sociales acomuñaos al xuegu (inseguridá ciudadana, criminalidad, llaváu de dineru, apaición de mafies, ludopatía, alcoholismu, prostitución, etc.)
Cada país tien un distintu oxetu regulador que dexa a xugadores poder xugar nel casinu, ensin escaecer que güei esisten munchos xuegos de casinos en llinia.
La industria de xuegos de casinos per Internet viénose desenvolviendo dende l'añu 2000 en distintes partes del mundu por aciu l'usu de teunoloxía y software especiales. Güei pueden atopase más de 100.000 sales de casinos virtuales cuntando con millones d'usuarios en tol planeta.[3]
Siempres esistió un "tira y afloxa" ente los casinos y los sos xuegos colos gobiernos de cada país, de tala forma qu'en munchos entá esiste prohibición de dichos xuegos y locales, siendo l'enclín a dexalos con una regulación y fiscalización bien estrictes.
Por cuenta de la vinculación de los casinos col desorde, la embriaguez y a la trampa qu'habilita un ampliu sable de disturbios, mancaes y, na so dimensión más estrema, homicidios,[4] les autoridaes siempres intentaron controlar, llindar y hasta sumir esti tipu de negocios. Como esplica Ana Victoria Cecchi (2010) los casinos tamién pueden ser articulaos como una disputa cultural pola llexitimidá de ciertes práutiques.
Enforma tuvo que ver la relixón y los totalitarismos coles prohibiciones, queriendo dar una imaxe de viciu y depravación.
Hai que tener en cuenta tamién que la mayoría de xuegos de los casinos son de pagu inmediatu”, lo cual puede influyir en persones propenses psicolóxicamente a cayer nuna adicción al xuegu (ludopatía), al igual qu'asocede con tolos xuegos que tien el mesmu tipu de pagu (máquines tragaperres, bingos..). Esto llevó a crear la so mala imaxe con exemplos amplificaos, según la so asociación colo ilícito y dacuando colo malvao.
De normal los casinos nun inclúin solamente los xuegos d'azar ente la so ufierta sinón que davezu va acompañada de restoranes, hoteles, sales de fiesta, sales de convenciones. En dalgún casu, como por casu en Las Vegas o en Mónacu, con un treme completu d'ociu alredor del xuegu. Lo mesmo taba previstu qu'asocediera n'España con Gran Scala.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.