Carmen Dell'Orefice
From Wikipedia, the free encyclopedia
Carmen Dell'Orefice (Nueva York, 1931) ye, según el llibru Guinness, la modelu más llonxeva del mundu, esto ye, la modelu que sigue trabayando con más edá nel mundu, yá que a los 84 años sigue desfilando nes principales pasareles del mundu[2][3]
Carmen Dell'Orefice | |
|---|---|
.jpg) | |
| Vida | |
| Nacimientu | Nueva York, 3 de xunu de 1931 (93 años) |
| Nacionalidá | Estaos Xuníos |
| Estudios | |
| Llingües falaes | francés[1] |
| Oficiu | |
| Oficiu | modelu, actriz de televisión, actriz de cine |
| Altor | 178 cm |
| IMDb | nm0217286 |
| carmendellorefice.com | |
Biografía
Carmen ye fía d'un violinista italianu y una baillarina húngara emigraos a Nueva York.[4][5]
Trayeutoria
Carmen, amás de modelu de pasarela, foi portada de les revistes de moda más famoses del mundu[6][7][8] como Vogue, W Magacín y Harper's Bazaar. A los 16 años apaeció per vegada primera na portada de Vogue, pos dos años enantes fuera afayada nun autobús por una cazadora de talentos[9]
Foi la cara del arume Chanel Nᵘ 5.[10] Desfiló pa Marimekko, Coco Chanel y les principales cases de moda.[11][12] Foi imaxe de Rolex, Elizabeth Arden y Revlon.[13] Con ella la tienda departamental mexicana El Palaciu de Fierro empecipió les sos campañes estremaes como modelos de distintes edaes.
Carmen foi musa inspiradora d'artistes, inclusive posó pal artista español Salvador Dalí. [14][15][16]
Tien la so propia muñeca, ye dicir que crearon una muñeca cola so imaxe.[17]
En 2008 foi una de les víctimes del fraude del financieru Bernie Madoff. Entrevistada al respeutu, contestó tranquilamente: "Ye la segunda vegada que quedo ensin los aforros de tola mio vida", faciendo referencia a les sos perdes bursátiles a principios de la década de los noventa, y siguió alantre.[18]
El 19 de xunetu de 2011 recibió'l doctoráu honoris causa de la Universidá d'Artes de Londres, como reconocencia a les sos contribuciones a la industria de la moda.[19]
Cine
Trabayó nes películes Celebrity y The Curse of the Jade Scorpion de Woody Allen.[20] Recibió'l premiu de meyor actriz de repartu nel Festival Internacional de Videu y Cine de Nueva York.[21]
Obres
- Carmen Dell'Orefice y Alfred Allan Lewis (1985). Staying beautiful: beauty secrets and attitudes from my forty years as a model.. New York, Harper & Row. ISBN 9780060153861.
Referencies
Bibliografía
Wikiwand - on
Seamless Wikipedia browsing. On steroids.