Papa Calistu I

El papa Calistu I, o San Calistu, (* Roma, ha. 155 – † 222), ye'l pontífiz númberu 16 de la Ilesia católica, reinando de 217 a 222.

Papa Calistu I
16. Papa 218 (Gregorianu) - 222 (Gregorianu) ← Ceferín - Papa Urbanu I →
Vida
Nacimientu	Roma, fecha desconocida
Muerte	Roma, 222
Sepultura	Basílica de Santa María en Trastevere (es)
Causa de la muerte	venenu
Estudios
Llingües falaes	llatín[1] italianu[2]
Oficiu	sacerdote católicu
Llugares de trabayu	Roma
Santoral
14 d'ochobre
Creencies
Relixón	Ilesia Católica[3]

Nació esclavu nel somantu d'una familia d'aniciu griegu, que na so llingua'l so nome significa "el más guapu" (kallistos), y nun abrazó'l cristianismu hasta la edá adulta. Como alministrador de los bienes d'un altu funcionariu del emperador Cómodo llamáu Carpóforu, tamién cristianu, viose implicáu nuna malversación de fondos que-y valió ser condergáu a trabayos forzaos nes mines d'azufre de Cerdeña; ellí permaneció a lo llargo de tres años hasta que, alredor del 190, llogró ser lliberáu gracies a la intercesión de Marcia, una concubina del emperador Cómodo.

Depués de la so lliberación, el papa Víctor I destinólu a Antium otorgándo-y una pensión; ellí vivió hasta'l so treslláu a Roma reclamáu pol papa Ceferín, que faciéndolu secretariu personal de so lu nomó diáconu y alministrador del cementeriu cristianu na Vía Appia, que depués se conocería como les catacumbes de San Calistu, y nel que s'enterraron tolos papes que gobernaron la Ilesia a lo llargo del sieglu III, escepto él mesmu.

A la muerte de Ceferín, Calistu ye elixíu como'l so socesor. La circunstancia de ser un esclavu lliberáu nun yera un impidimentu pa ser elixíu papa hasta que Lleón I el Magnu, nel sieglu V, asina lo dispunxo.

Predecesor: San Ceferín

Papa 217 - 222

Socesor: Urbanu I

1. Afirmao en: idRef. Identificador de referencia de idRef SUDOC: 156528592. Data de consulta: 4 marzu 2020. Editorial: Agencia Bibliográfica de Enseñanza Superior. Llingua de la obra o nome: francés.
2. Identificador CONOR.SI: 252538723. Afirmao en: CONOR.SI.
3. Afirmao en: Catholic-Hierarchy.org. Identificador Catholic Hierarchy de persona: callixtu. Data de consulta: 18 ochobre 2020. Llingua de la obra o nome: inglés.