Berta Vázquez

Birtukan Tibebe, conocida artísticamente como Berta Vázquez (Kiev, Ucraína; 28 de marzu de 1992),^[2] ye una actriz hispanoucraniana d'orixe etíope conocida principalmente por interpretar a Rizos na serie de televisión orixinal d'Antena 3 (anguaño emítese en FOX España) Vis a vis. Tamién por faer Palmeras en la nieve .

Berta Vázquez
Vida
Nacimientu	Elx, 28 de marzu de 1992[1] (33 años)
Nacionalidá	España
Estudios
Llingües falaes	castellanu
Oficiu
Oficiu	actriz de televisión, actriz de cine, cantante
Premios	ver Premios Ondas  (2015) : Vis a vis
Instrumentu musical	voz
IMDb	nm7152208

Biografía

Berta Vázquez nació'l 28 de marzu de 1992 n'Ucraína, fía de padre etíope y madre ucraniana, pero creció y vivió en Elx, Alicante dende los trés años d'edá. Empecipió la so formación artística cola danza na escuela ilicitana de Paola Yeray, anque finalmente les oportunidaes llegar traviés de la interpretación y, en menor midida, de la música.^[3] A los 18 años abandona Elx pa probar suerte en Madrid en dalguna disciplina artística.^[4]

Sumáu a otros intentos d'incursión nel mundu artísticu, en 2013 unvia un videu musical al casting de la segunda edición de La voz n'España, nun siendo finalmente escoyida.^[5] Un añu dempués, consigue'l so primer papel cinematográficu na película Palmeras en la nieve, basada nel best seller de Luz Gabás. Berta ye escoyida pa interpretar a Bisila, una muyer nativa de Guinea Ecuatorial que vive una hestoria d'amor col personaxe de Kilian (Mario Casas).^[6] Ye tamién en 2014 cuando supera'l casting pol que llogra'l papel que definitivamente-y llanza a la fama, na serie carcelaria d'Antena 3 Vis a vis, darréu de Fox España. Dende entós da vida a Estefanía Kabila "Rizos", una recluyida que cumple una condena de 4 años per robu y mancadures.^[7] En 2017 rueda la comedia romántica Las leyes de la termodinámica dirixida por Mateo Gil, onde interpreta a Elena. Nesi mesmu añu, forma parte del repartu de la serie de Telecinco El accidente (2017-2018), nel papel de María.

Filmografía

Películes

Añu	Película	Direutor	Personaxe
2018	Las leyes de la termodinámica	Mateo Gil	Elena
2015	Palmeras en la nieve	Fernando González Molina	Bisila

Series

Añu	Serie	Cadena	Personaxe	Episodios
2015-2016, 2018-¿?	Vis a vis	Antena 3 / FOX España	Estefanía Kabila "Rizos"	32 episodios
2016 - 2018	Paquita Salas	Flooxer / Netflix	Ella mesma	2 episodios
2017-2018	El accidente	Telecinco	María Ndongala	13 episodios

Videoclips

Añu	Cantar	Personaxe
2015	Lady de Carlos Jean[8]	Protagonista
2018	Bien Duru de C.Tangana[9]	Protagonista

Premios

• Premiu Ondas 2015 a la meyor intérprete femenina por Vis a vis (ex aequo col restu d'actrices de la serie).
• Premiu Paramount Channel 2016 a la meyor actriz revelación por Vis a vis.
• Premiu XXIV Unión d'Actores a la meyor actriz revelación por Palmeras en la nieve.