Beatriz de Borgoña, señora de Borbón

Beatriz de Borgoña (1257, Besançon – 1 d'ochobre de 1310, Murat) foi una noble francesa, condesa de Charolais y señora de Borbón, madre de Lluis I, primer duque de Borbón. Ye al traviés d'ellos, que los sos llonxanos descendientes masculinos de la casa francesa de Borbón llogren el so nome.

Beatriz de Borgoña, señora de Borbón
Vida
Nacimientu	Besançon, 1257
Nacionalidá	Francia
Muerte	Murat, 1 d'ochobre de 1310 (52/53 años)
Familia
Padre	John of Burgundy
Madre	Agnes of Dampierre
Casada con	Roberto de Clermont (1272 (Gregorianu) – )[1]
Fíos/es	Lluis I de Borbón Blanche de Clermont (en) Juan de Charolais (es) Marie de Clermont[2] Pierre de Clermont (en) [2] Marguerite de Clermont (en) [2]
Pueblu	Casa de Borgoña (es)
Estudios
Llingües falaes	francés
Oficiu	política

Biografía

Yera fía de Xuan de Borgoña, conde de Charolais y d'Inés de Dampierre, señora de Borbón.^[3] Yera al traviés de so madre, heredera de tolos estaos de los Borbón. Dempués de la muerte de so padre en 1268, heredó'l condáu de Charolais.

De so güelu paternu heredó Sauvigney, Doudain, Charolles, Mont-Saint-Vincent y Ciry-le-Noble a la so muerte en 1272. El so tíu, el duque Roberto II de Borgoña, arrampuñó-y los sos derechos n'abril de 1277, y restituyólu n'agostu dos años más tarde.

En 1279, mientres la so primer xusta, el so home sufrió mancadures na cabeza, lo que provocó la so discapacidá pal restu de la so vida.^[4] Depués de que so madre finara'l 7 de setiembre de 1288, heredaría los derechos sobre'l señoríu de Borbón.

Descendencia

En 1272, casó en Clermont-en-Beauvaisis con Roberto, conde de Clermont, fíu de Lluis IX de Francia y Margarita de Provenza. D'esta xunión nacieron seis fíos:

• Lluis I de Borbón (1279-1342), conde de Clermont y de Colar, y primer duque de Borbón.
• Blanca (1281-1304), casada en 1303 con Roberto VII, conde d'Auvernia y de Boulogne, güelos de Xuana I d'Auvernia, reina de Francia.
• Xuan de Charolais (1283-1316), conde de Charolais, casáu en 1309 con Xuana, señora de Dargies.
• María (1285-1372, París), Prioresa de Poissy.
• Pedru (1287-1330), Arcedianu de París.
• Margarita (1289-1309), casada de primeres en 1305 con Ramón Berenguer d'Andria y dempués en 1308 con Xuan I, marqués de Namur.

Beatriz y Roberto fueron los fundadores de la capetiana Casa de Borbón, que dellos años más tarde en 1589, ocuparía'l tronu de Francia con Enrique III de Navarra.

Muerte

Beatriz morrió nel Castiellu de Murat el 1 d'ochobre de 1310 y el so home morrió años más tarde, el 7 de febreru de 1317. Foi soterrada nel conventu de los Cordeleros.

Ascendencia

Árbol xenealóxicu de Beatriz de Borgoña

Beatriz de Borgoña, señora de Borbón	Padre: Xuan de Borgoña	Güelu paternu: Hugo IV de Borgoña	Bisagüelu paternu: Odón III de Borgoña
			Bisagüela paterna: Alicia de Vergy
		Güela paterna: Yolanda de Dreux	Bisagüelu paternu: Roberto III de Dreux
			Bisagüela paterna: Aenor de Saint-Valery
	Madre: Inés de Borbón	Güelu maternu: Archimbaldu IX de Borbón	Bisagüelu maternu: Archimbaldu VII de Borbón
			Bisagüela materna: Beatriz de Montluçon
		Güela materna: Yolanda de Châtillon	Bisagüelu maternu: Guido III de Châtillon
			Bisagüela materna: Inés II de Nevers

Predecesor: Xuan de Borgoña	Condesa de Charolais 1268 - 1310	Socesor: Xuan de Charolais
Predecesor: Inés de Dampierre	Señora de Borbón 1288 - 1310	Socesor: Roberto de Clermont

Referencies

1. Identificador de persona en The Peerage: p11361.htm#i113610. Data de consulta: 7 agostu 2020.
2. Afirmao en: The Peerage. Llingua de la obra o nome: inglés. Autor: Darryl Lundy.
3. Darryl Lundy (22 d'agostu de 2008). http://www.thepeerage.com/+(ed.):+«Genealogía de Beatriz de Borbón».
4. C. Stephen Jaeger (1985). Universidá de Pennsylvania Press: Los Orígenes de la Cortesanía. ISBN 0812213076.

Enllaces esternos

• Wikimedia Commons acueye conteníu multimedia sobre Beatriz de Borgoña, señora de Borbón.

• Datos: Q510987
• Multimedia: Beatrice of Burgundy, Lady of Bourbon