Bank of America Tower (Nueva York)

Bank of America Tower ye un rascacielos de la ciudá d'Estaos Xuníos de Nueva York. Asítiase na Sesta Avenida (Sixth Avenue), ente les cais 42 (42nd Street) y 43 (43rd Street), enfrente del parque Bryant, nel Midtown Manhattan. Tien un altor de 366 m, con 55 pisos que rematen con una aguya de 77,9 m d'altor que foi colocada nel so cumal el 15 d'avientu de 2007. El proyeutu, que costó mil millones de dólar d'Estaos Xuníos|dólares, foi diseñáu pol estudiu d'arquiteutura COOKFOX Architects, que presumía de que yera ún de los edificios más eficiente y ecolóxicamente sostenibles del mundu. Ye'l tercer edificiu mayor de la ciudá y el quintu del país, y la so construcción finó en 2009.

Bank of America Tower (Nueva York)
Rascacielos
Llocalización
País	Estaos Xuníos
Estaos	Nueva York
Ciudá	Nueva York
Borough	Manhattan
Direición	Calle 4 (es)
Coordenaes	40°45′19″N 73°59′03″W
Bank of America Tower (Nueva York) Bank of America Tower (Nueva York) (los EE.XX.)
Historia y usu
Construcción	2004 - 2009
Dueñu	Bank of America
Orixe del nome	Bank of America
Usu	oficina
Arquiteutura
Arquiteutu/a	Cookfox (es)
Constructor	Tishman Realty & Construction (en)
Inxenieru d'estructures	Severud Associates (en)
Estilu	deconstructivismo (es)
Altor	365,8 m
Pisos	54
Soterraños	3
Superficie	195 095 m²
Ascensores	48

L'edificiu tien 55 plantes con un total de 195.096 m² d'espaciu pa oficines, servíes por un total de 52 ascensores, y ocupa'l solar qu'anguaño ocupaben, ente otros edificios, el del Hotel Diplomat, un edificiu de 13 pisos llevantáu en 1911 que foi baltáu pa construyir esti rascacielos, consideráu un modelu de rascacielos ecolóxicu. El so diseñu, con un esterior totalmente acristaláu que permite mantener el calor nel interior y aprovechar al máximu la lluz solar, tien tamién soluciones como l'aprovechamientu de l'agua de lluvia, la producción de xelu nes hores nel que'l consumu llétricu ye menor pa que llueu, al desxelase, refresque l'aire del circuitu del aire acondicionáu, o los sanitarios con llimpieza ensin agua. Muncho del material emplegáu pa la so construcción ye recicláu o reciclable, y l'edificiu filtria l'aire non solo de la qu'entra pal edificiu, sino tamién de la que ye devueltu al esterior. La so estructura, d'hormigón con un amiestu d'escoria metalúrxica, ye tamién ecolóxicamente sostenible, una y bones l'usu de la escoria amenorga la cantidá de cementu (que la so producción espulsa al aire munchos gases d'efeutu ivernaderu) necesariu pa facer l'hormigón. L'edificiu, por últimu, tien una central de coxeneración llétrica dientro d'elli. Toes estes especificaciones foron feches aposta pa que l'edificiu fora'l primer rascacielos del mundu n'algamar la máxima certificación (Platinum LEED Certification) mediuambiental que da'l Conseyu de la Construcción Ecolóxica de los Estaos Xuníos (U.S. Green Building Council). Pese a ello, l'edificiu usa entá el doble d'enerxía per metru cuadráu que l'Empire State Building.