From Wikipedia, the free encyclopedia
La bandera de Xixón (Asturies) ye rectangular, d'un llargu igual a tres medios el so anchu, blanca, con un rebite bermeyu d'un anchu equivalente a un quintu'l de la bandera. Lleva l'escudu d'armes del Conceyu nel centru.
 Bandera de Xixón | |
|---|---|
 | |
| Datos | |
| Estáu | España |
| Entidá | Xixón |
| Fecha d'adopción | 30 de xunetu de 1845 (179 años) |
 | |
Tien el so orixe na contraseña asinada a la Provincia Marítima de Xixón por Rial Orden de 30 de xunetu de 1845, qu'endiciaba les "contraseñes que deben llargar nel tope mayor los buques mercantes de les desemeyaes provincies marítimes españoles, al empar qu'arbolen nel picu el pabellón nacional, pa desemeyase unos d'otros na mar y a la clisada los puertos".
La única norma llegal que la regula anguaño como bandera ermuna'l Conceyu ye'l Reglamentu d'Organización, Funcionamientu y Réxime Xurídicu'l Conceyu de Xixón, de 10 de setiembre de 2004 (BOPA de 2 d'ochobre de 2004). Nel so Títulu V, Capítulu I, Artículu 64, diz:
Tratamientu, bandera y escudu que-y correspuende. El Conceyu de Xixón tien, n'envís a la reconocencia oficial fecha anantia y de la costume nel so emplegu, el tratamientu d'Illustre; la bandera formada por un rectángulu blancu arbao de bermeyu y l'escudu cola efixe de Don Pelayu, toó illo en la forma tradicionalmente emplegada hasta la data.
Ye dicir, endíciase que la bandera ha d'haber "la forma tradicionalmente emplegada hasta la data". Al remitise a la llexislación orixinal, el rebite ha ser d'un anchu igual a 1/5 del anchu la bandera. Por exemplu, una bandera de 100 x 150 cm (anchu x llargu), conlleva un rebite de 20 cm. Esto contradiz el "Manual d'Identidá Gráfico" d'anguaño'l Conceyu, que, manque nun tien valir llegislativu dengún, endicia que l'anchu'l rebite equival a 1/10 del llargu la bandera (15 cm pal mesmu exemplu d'enantes).
El mentao manual endicia que l'escudu la bandera ye polícromu, debiendo emplegase bermeyu Pantone 485, amariellu Pantone 116, verde Pantone 355, plata Pantone 877, y prietu Pantone Process Black.
| pantone 485 | pantone 116 | pantone 355 | pantone 877 | pantone P. Black | |
|---|---|---|---|---|---|
| BERMEYU | AMARIELLU | VERDE | PRIETU | ||
Nota: Los tonos amosaos son meramente aproximativos y nun traten de representar fielmente les posiciones correspondientes de la gama Pantone.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
