Remove ads
L'Acta Solemne de la Declaración d'Independencia de l'América Septentrional ye'l primer documentu llegal onde se proclama la separación de la Nueva España con respectu de la metrópolis española. Foi roblada'l 6 de payares de 1813 polos diputaos al Congresu de Anáhuac, convocáu por José María Morelos y Pavón ya instaláu na ciudá de Chilpancingo, Guerrero el 13 de setiembre del mesmu añu.
 | |
| Tipu | Declaración d'independencia |
|---|---|
| Estáu | Méxicu |
| Llocalización |
Chilpancingo de los Bravo (es)  |
| Creación | 6 payares 1813 |
 | |
.svg)
Esta acta recueye dalgunos de los principales pronunciamientos políticos conteníos en Sentimientos de la Nación, documentu lleíu por José María Morelos y Pavón el 14 de setiembre ante los diputaos de les provincies lliberaes del sur de Nueva España.
Esti documentu señala que, daes les circunstancies n'Europa —la ocupación d'España per parte del exércitu napoleónicu—, l'América recupera la soberanía que-y foi usurpada anque ensin señalar de qué manera. Poro, la unión ente les colonies ultramarinos y la metrópolis quedaba eslleida. Coles mesmes reconoz como relixón única nos territorios americanos a la católica, y define penes p'aquelles persones que contravengan la guerra insurxente o se negaren a sofitala financieramente.
Foi roblada por:
- Andrés Quintana Roo
- Ignacio López Rayón
- José Manuel de Herrera
- Carlos María Bustamante
- José Sixto Verduzco
- José María Liceaga
- Cornelio Ortiz de Zárate
Nun primer momentu la llucha revolucionaria foi liderada por Hidalgo y, a la so muerte, por Morelos. Foi xustamente Morelos quien llevó al movimientu independentista más allá de les armes. Foi'l propulsor de la Declaración de la Independencia de Méxicu. Conozamos, pos les idees de Morelos y el so proyeutu de país.
Una de les primeres instituciones creaes pol movimientu independentista foi la Suprema Xunta Gubernativa d'América. El so creador foi Ignacio López Rayón. El llabor de la Suprema Xunta empezó n'agostu de 1811, en Zitácuaro. Gracies a la formación d'esta Xunta llogróse que'l nucleu de la primer sulevación caltuviérase xuníu.
Sicasí, el principal oxetivu de la Suprema Xunta Gubernativa d'América (promulgar una Constitución) fracasó y l'institución terminó eslleiéndose en 1813, desallugada poles tropes realistes de Caleya.
Na interna de la revolución, López Rayón y Morelos sosteníen distintos proyeutos pa la nueva nación. López Rayón pensaba que la soberanía moraba nel rei y, poro, buscaba instaurar una monarquía. Otra manera, Morelos sostenía que'l pueblu yera'l depositariu de la soberanía, apuntaba a que Méxicu fuera una democracia.
Siguiendo les sos idees democrátiques, Morelos llanzó una convocatoria por que se escoyeren diputaos pa instalar un Congresu. Dos diputaos fueron electos por votu popular y seis fueron nomaos como representantes de la “parte primida de la nación”. A ello sumábense los vocales de la Xunta de Zitácuaro.
El Congresu de Anáhuac o Congresu de Chilpancingo empecipió la so actividá'l 14 de setiembre de 1813. Esta nueva institución substituyó a la disuelta xunta de Zitácuaro.
Al inaugurase'l Congresu, Morelos pronunció'l famosu documentu llamáu Sentimientos de la Nación. Nesti discursu'l líder de la revolución defende la importancia que tienen nuna nación los Derechos Humanos y la Llibertá. Esti mensaxe tuvo una gran repercusión, polo que ye consideráu'l primer antecedente de la Constitución Política de los Estaos Xuníos Mexicanos.
Pocos dempués, el 6 de payares de 1813 el Congresu de Anáhuac fixo la Declaración d'Independencia, que rompía con tres siglos de dominación colonial. El Congresu robló l'Acta Solemne de la Declaración d'Independencia de l'América Septentrional, redactada por Carlos María de Bustamante. La Declaración d'Independencia sostenía qu'América Septentrional:
“repunxo l'exerciciu de la so soberanía usurpáu; qu'en tal conceutu queda rota pa siempres y eslleida la dependencia del tronu español; que ye árbitru pa establecer les lleis que-y convengan, pal meyor arreglu y felicidá interior: pa faer la guerra y la paz y establecer rellaciones colos monarques y repúbliques”.
Remove ads
- Sentimientos de la Nación (testu orixinal)
- Sentimientos de la Nación (Artículu)
- Crisis política de 1808 en Méxicu
- Historia del constitucionalismo mexicanu
- Suprema Xunta Gubernativa d'América o Xunta de Zitácuaro (1811)
- Congresu de Anáhuac o Congresu de Chilpancingo (1813)
- Decretu Constitucional pa la Llibertá de l'América Mexicana o Constitución de Apatzingán (1814)
- Plan d'Independencia de l'América Septentrional o Plan d'Iguala (1821)
- Xunta Provisional Gubernativa (1921)
- Constitución Federal de los Estaos Xuníos Mexicanos de 1824
- Constitución Federal de los Estaos Xuníos Mexicanos de 1857
- Constitución Política de los Estaos Xuníos Mexicanos de 1917 (La que rixe anguaño)
- Independencia de Méxicu
Remove ads
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads