Wólof
From Wikipedia, the free encyclopedia
Los wólof son un grupu étnicu que s'atopa en Senegal, Gambia y Mauritania.
En Senegal, los wólof son un grupu étnicu que toma en redol al 43,3% de la población.[1] Ye importante tener en cuenta, sicasí, qu'esti datu puede inducir a error, yá que al mesmu añaden otros pueblos distintos que, col intre del tiempu, fueron «wolofizados», y falen la llingua wólof.[2] El grupu tien una llingua propia, qu'en Senegal ye falada pol 80% de la población.
En Gambia, alredor del 16% de la población son wólof. Nesti país son una minoría, yá que los mandinga son la etnia dominante, que constitúi'l 42% de la población. Sicasí, la llingua y la cultura wólof tienen una influencia desproporcionada de resultes del so predominiu en Banxul, la capital del país, onde la mayor parte de la población ye wólof.[3]
En Mauritania, alredor del 8% de la población son wólof. Viven mayoritariamente na rexón costera del sur del país.